چاویارنیوز _ یۆنامی لە ڕاگەیەنراوێکدا هەڵوێستی خۆی لەبارەی ئەو دۆخە ئەمنییەی لەدوای هێرشەکەی سەر کۆرمۆر هاتۆتەپێش دەخاتەڕوو و پێیوایە: هێرشه‌کە زیانی به‌به‌رژه‌وه‌ندییه‌كانی هه‌رێمی كوردستان وته‌واوی عێراق گەیاندووە، لەگەڵ ئەوەشدا ئەو هێرشە هه‌ڵگری په‌یامێكی نه‌رێنی و مه‌ترسیداره و ڕاسته‌وخۆ دژایه‌تیی چه‌مكی فیدڕاڵیزم ده‌كات له وڵاته‌كه‌دا.
باس لەوەشدەکات، نه‌ته‌وه یه‌كگرتووه‌كان داوا له ده‌سه‌ڵاته په‌یوه‌ندیداره‌كان ده‌كات لەپێناو دووبارەنەبوونەوەی ئەو پێشێلکارییە ڕوونەی دژی کۆرمۆر کراوە، ڕێوشوێنی پێویست و گونجاو بگرنه‌به‌ر، چونكه هێرشكردنه‌سه‌ر ژێرخانی مه‌ده‌نی به هیچ شێوه‌یه‌ك پاساوهه‌ڵناگرێت.
یۆنامی لە ڕاگەیەنراوەکەیدا،پشتیوانی خۆی دەربڕیوە بۆ پێكهێنانی لیژنه‌ی لێكۆڵینه‌وه‌ی هاوبه‌ش له نێوان حكومه‌تی فیدڕاڵ و حكومه‌تی هه‌رێمی كوردستان، ئەوەش لەپێناو ئاشكراكردنی ناسنامه‌ی ئه‌نجامده‌رانی هێرشه‌كه و ڕاده‌ستكردنیان به دادگا بۆ وه‌رگرتنی سزای یاسایی.
هێرشه‌كه‌ی كۆرمۆر لێدانه له بنه‌ماكانی سیستمی فیدڕاڵی له عێراق
نێرده‌ی نه‌ته‌وه یه‌كگرتووه‌كان بۆ عێراق ئیدانەی هێرشه‌كه‌ی سه‌ر كێڵگه‌ی غازی كۆرمۆر ده‌كات، دەڵێت: هێرشه‌كه لێدانه له بنه‌ماكانی سیستمی فیدڕاڵی له عێراق.
No Comment! Be the first one.