جاویارنیوز – ئیتمار هامان یاریزانی پێشووی یانەی لیڤەرپوولی ئەڵمانیا پێی وایە ئارن سلۆت ڕاهێنەری لیڤەرپوول “کۆنترۆڵی تیپەکەی لەدەستداوە” و ژیانی وەرزشی نزیکە لە کۆتایی.
هامان پێشبینی کردووە هاندەران تامەزرۆی گەڕانەوەی سەرسوڕهێنەری یۆرگن کلۆپ بن، دوای ئەوەی تیپەکەی سلۆت لە یاریگای خۆیدا بە ئەنجامی 4-1 لە یانەی ئایندهۆڤن لە چامپیۆنزلیگ دۆڕا و نۆیەمین دۆڕانی تیپەکەی تۆمارکرد، لە کۆتایی 12 یاریدا.
دیتمار هامان بۆ سکای ئەڵمانیا نووسیویەتی، دۆڕانەکەی لیڤەرپوڵ بە ئەنجامی 4-1 بەرامبەر ئایندهۆڤن نۆیەم دۆڕانی بووە لە 12 یاریدا. “پێموایە ئارن سلۆت کۆنترۆڵی تیپەکەی لەدەستداوە، تیپەکە لەیەکتر دەکەوێت و هەمووان ئەوەی دەیانەوێت دەیکەن، وەک سەڵاح پێش گۆڵی دووەمی پاریس سانجێرمان”.
لیڤەرپوڵ ڕووبەڕووی کێشەی جددی دەبێتەوە بۆ گەیشتن بە چوارەمی سەرەکی پریمەرلیگ، پێموانییە ئەو کێشانە بەخێرایی یان بە ئاسانی چارەسەر بکرێن، دۆخەکە ئەوەندە ئاڵۆزە کە بەدڵنیاییەوە یانەکە گفتوگۆ لەسەر پێگەی ڕاهێنەرەکە دەکات.
“کۆتایی سلۆت نزیکە، هەرگیز بیرم لەوە نەدەکردەوە دوای وەرزە درەوشاوەکەی دەگەینە ئێرە، بەڵام باوەڕم وایە ئێستا متمانەی سلۆت نەماوە”.
وتیشی: یانەکە خەرجی زۆری بۆ یاریزانەکان کردووە، بەڵام هیچ کامیان کاریگەرییان نەبووە، دوای مردنی دیۆگۆ جۆتا، کارێکی ئاسان نەبوو کاریگەری لەسەر تیپێک، کە تازە هاوڕێیەکی لەدەست دابوو، پرسیارەکە ئەوەیە تا کەی دەتوانرێت ئەمە بکرێتە بیانوو؟
ناوبراو هەروەها دەڵێت: زۆرێک لە هاندەران چاوەڕێی گەڕانەوەی یۆرگن کلۆپن، ئەگەر پرسیار لە هاندەران بکەیت، بە دڵنیاییەوە زۆرێک دەڵێن: ئەمە دەبێ بکرێت!
“ئەگەری گەڕانەوەی بۆ لیڤەرپوول چەندە؟ هیچ بیرۆکەیەکم نییە،پێدەچێت یانەکە پێشتر سەیری بەڕێوەبەرە بەدیلەکانی کردبێت، پێموایە لەگەڵ کلۆپیش قسەیان کردووە”.
No Comment! Be the first one.