ململانێی ژیان و مردن بۆ فوتساڵی خانمانی ئێران؛ ئیتاڵیا تووشی شکست بکە

جاویارنیوز – هەڵبژاردەی فوتساڵی خانمانی ئێران لە دوایین یاری کۆمەڵەی خۆیدا ڕووبەڕووی ئیتاڵیا دەبێتەوە.

دوایین یاری هەڵبژاردەی ئێران لە مۆندیالی فوتساڵی ئافرەتاندا، ئەمڕۆ کاتژمێر ١٢:٣٠ بە کاتی تاران بەرامبەر ئیتاڵیا بەڕێوە دەچێت. یارییەک کە بۆ تیپی فوتساڵی خانمانی ئێران بە واتای ژیان و مردنە و دەبێت لەم یارییە چارەنووسسازە سەربکەون.

هەڵبژاردەی فوتساڵی خانمانی ئێران لە یەکەم یاریدا بە ئەنجامی 4-1 بە بەرازیل دۆڕا و لە یاری دووەمیشدا بە ئەنجامی 6-2 لە پەنەمای بردەوە و هێشتا هەلی پێشکەوتنی هەیە بە سێ خاڵ. لەلایەکی ترەوە ئیتاڵیا لە یاری یەکەمدا بە 17 گۆڵ پەنەمای تووشی شکست کرد، بەڵام لە یاری دووەمدا تووشی شکستێکی قورس بوو بەرانبەر بە بەرازیل بە ئەنجامی 6-1 بەجۆرێک نەیتوانی نازناوی کۆمەڵەکە بەدەست بهێنێت و ئێستا دەبێت ڕووبەڕووی ئێران ببێتەوە بۆ ئەوەی ببێتە هەڵبژاردەی دووەم کە لە کۆمەڵەکەدا سەردەکەوێت.

بەهۆی کەمبوونی جیاوازی گۆڵەکانی هەڵبژاردەی ئێران لە ئیتالیا، هەڵبژاردەی فوتساڵی خانمانی ئێران تەنیا لە کاتی سەرکەوتن  بەرامبەر بە ئیتالیا دەبێتە سەرکەوتووی کۆمەڵەکەی و هەر ئەنجامێکی تر جگە لە بردنەوە، دەبێتە هۆی دوورخستنەوەی هەڵبژاردەی فوتساڵی ژنانی ئێران. یاریزانانی ئێرانی پاڵنەرێکی زۆریان بۆ ئەم یارییە هەیە، چونکە زۆربەی یاریزانەکان لە دوایین مۆندیالدا دەبن و دەیانەوێت ئەم جامە بە یادگارییەکی خۆشەوە بەجێبهێڵن.

لە ڕیزبەندی فیفادا ئیتاڵیا پلەی حەوتەمی گرتووە و ئێرانیش پلەی نۆیەمی گرتووە و مەودای ئەو دوو هەڵبژاردەیەش مەوداییکی ئەوتۆ نییە. سەرکەوتن بۆ ئیتالیا دوور نییە و تەنیا یاریزانە ئێرانییەکان پێویستیان بەوەیە کە بتوانن فشارەکانی یارییەکە کەم بکەنەوە بۆ ئەوەی بتوانن بەرامبەر ئەم ڕکابەرە ئەوروپییە سەرکەوتن بەدەست بهێنن. ڕووداوێک کە دەتوانێ بچێتە مێژووی فوتساڵی ژنانی ئێرانەوە.