چاویارنیوز _ کەمال محەممەد وەزیری کارەبا و وەزیری سامانە سروشتییەکان (بە وەکالەت) ئاماژە بەوەدەکات، ئاستی بەرهەمهێنانی ئێستای کارەبا لە هەرێم گەیشتووەتە نزیکەی 2000 مێگاوات و پێشبینیش دەکەن ئاستەکە بۆ نزیکەی 4000-4500 مێگاوات بەرزببێتەوە و کارەبا بگەڕێتەوە بۆ دۆخی پێش هێرشەکەی سەر کێڵگەی گازی کۆرمۆر.
وتوویەتی: پێش هێرشەکە، ئاستی بەرهەمهێنانی غاز لە كێڵگەی کۆرمۆر، 530 ملیۆن مەتر سێجا بوو، تا ئێستا گەیشتووەتە 404 ملیۆن پێ سێجا، واتە 76%، چاوەڕێ دەکەین تا چەند کاتژمێرێکی دیکە دۆخەکە ئاسایی ببێتەوە.
ئڕاشیگەیاندووە، لەئێستادا لیژنەیەکی باڵای ئەمنی بە سەرۆکایەتیی عەبدولئەمیر شەمەری وەزیری ناوخۆی عێراق و ئەندامێتی وەزیری ناوخۆی هەرێم پێکهێنراوە و لێکۆڵینەوە لە هێرشەکە دەکەن و ئەمجارە هێرشەکە بە ئاسانی تێناپەڕێت و پێویستە ئەو کەسانەی لەپشت هێرشەکەوەن ئاشکرا بکرێن و ڕووبەڕووی دادگا بکرێنەوە.
لە کۆرمۆر بەرهەمهێنانی غاز گەیشتووەتەوە 76%
بەپێی لێدوانێکی وەزیری کارەبای هەرێم، ڕایگەیاندووە: دۆخی کارەبا ئاسایی بووەتەوە، بەڵام هێرشەکەی سەر کۆرمۆر بە ئاسانی تێپەڕ نابێت.
No Comment! Be the first one.