پێویستە ھیچ سەرۆک حزبێک بە ھەڕەشەکان نەبێتە ھۆکاری بێبەشبوونی موچەخۆران لە مافەکانیان
چاویار – ئەدهەم بارزانی کەسایەتی دیاری کوردستان بە ئاماژە بەوەی کە “ئەو شوێنەی دیاریکراوە بۆ کۆبونەوەی لایەنەکان بە شیاو نابینم” جەختی لەسەر ئەوە کردەوە: پێویستە تەواوی یاساکان پشتیوانی لە مافە ڕەواکانی هەموو موچەخۆران بەبێ جیاوازی بکات.
شێخ ئەدهەم وتی: لەبارەی کۆبوونەوەکەی لایەنە سیاسیەکانی هەرێم، کەسایەتی دیاری کوردستان ئەدهەم بارزانی ڕایدەگەیەنێت، ئەو شوێنەی دیاریکراوە بۆ کۆبونەوەی لایەنەکان بە شیاو نابینم.
ڕاشیگەیاند: لەبارەی دواکەوتن و ڕاگرتنی موچەی فەرمانبەرانی هەرێمەوە ئەدهەم بارزانی ئاماژەی بۆ ئەوەشکردووە، لەگەڵ ئەوەدانیم موچەی هیچ موچەخۆرێک لە کوردستان و عێراق لە کاتی خۆیدا دوابخرێت یاخود ڕابگیرێت.
دەشڵێت، “پێویستە تەواوی یاساکان پشتیوانی لە مافە ڕەواکانی هەموو موچەخۆران بەبێ جیاوازی بکات و ھیچ سەرۆک حزب و کەس و لایەنێک بە دەرچوون لە یاسا و بریار بە ھەڕەشەکان نەبێتە ھۆکارێک کە موچەخۆران لە مافەکانیان بێ بەش بکرێن، هەروەها نابێت ئەوانەی تێرن ئاگایان لە برسیەکان نەبێت، وە لە زۆر شوێن و کاتدا کە رویداوە خاوەن ٣٠-٤٠ ساڵی خەبات و تێکۆشان نانبڕاو بکرێن.
No Comment! Be the first one.