چاویارنیوز _ وەزارەتی نەوتی عێراق ئەو هەواڵانە رەتدەکاتەوە کە دەڵێت: حکومەتی عێراق بڕیاریداوە بە بەرزکردنەوەی نرخی سووتەمەنی بۆ هاووڵاتییان، بەپێچەوانەوە بەرزکردنەوەی نرخەکان تەنیا بۆ فەرمانگەکان و چەند کەرتێکی دەوڵەتە، نەک بۆ هاووڵاتییان.
رەتکردنەوەی ئەم هەواڵە، لەڕێگەی راگەیەنراوێکی وەزارەتی نەوتی عێراق و کۆمپانیای دابەشکردنی بەرهەمە نەوتییەکان بووە و روونیدەکەنەوە “هەر هەواڵێکی لەو جۆرە دەزگاکانی راگەیاندن و تۆڕە کۆمەڵایەتییەکان بڵاویدەکەنەوە لەسەر بەرزکردنەوەی نرخی سووتەمەنی راست نییە و نرخەکان بەشێوازی پاڵپشتیکراوی پێشوو بۆ هاووڵاتییان دیاریکراوە و دەستکاری ناکرێت.
بەپێی نووسراوی وەزارەتی نەوتی عێراق، نرخەکان بۆ هەموو کەرت و شوێنە دیاریکراوەکان بەمجۆرەی لای خوارەوە دەبێت:
نرخی یەک لیتر گاز بە (1000) دینار، بەنزینی نۆڕماڵ بە (750) دینار، بەنزینی موحەسەن بە (1000) دینار، بەنزینی سوپەر بە (1250) دینار و نەوتی سپی بە (1000) دینار دیاریکراوە
No Comment! Be the first one.