خۆرەی هەرێم؛ حزبۆکەی دەستەمۆ، ملەقوتێ بە تاک و کۆ ..!!
سەردار عەزیز زۆر جوانی پوخت کردەوە کاتێک نوسیی) خەریکە ئۆپۆزسیۆنی بیجامە لە پێ دەبێتە مۆدێل بۆ هەمووان. دەمێکە «ئۆپۆزسیۆن بوون» تاوانی گەورەی بە ناوەوە دەکرێ، و ئەوانەی رۆژێک ئومێد بوون بۆ دروستبوونی دوالیزمی دەسەڵات/ئۆپۆزسیۆن، ئێستا بارن بەسەر کۆی پرۆسەی سیاسییەوە و خەریکە قفڵی دوکانەکەیان بە کەین و بەین و وەزارەت و مەزارەت لەگەڵ دەسەڵات گەورە دەکەن!
پ. د. سەعید عەلی:
هەولێرو بەغدا: کامیان وێرانتر ؟
مافی ڕەوای هاوڵاتییانە کە لەم نادادییەی هەرێم توڕە بن و چاویان لە بەغدا بێت، چونکە ئەوان قوربانیی دەستی گەندەڵین. بەڵام ئەرکی لایەنە سیاسییەکان و ئۆپۆزسیۆنە کە ئەم توڕەییە بۆ مەرامی هەڵبژاردن و ئەجێندای تایبەت نەقۆزنەوە. ناشیرینکردنی مێژوو و ڕەمزە نیشتمانییەکان لەپێناو دەنگ کۆکردنەوە، کارەساتێکی گەورەترە.
سەید عەتا:
لە هەولێر ژەهرو لە بەغدا شیرینی
ئەو دەسەڵاتەی لێرە تاڵاو دەکات بە قوڕگی هاوڵاتییاندا، لە بەغدا شەرعییەت لە ماستاوکردن و خۆبچوککردنەوە دەبینێتەوە. جێگەی داخی قووڵە کە هەموو حزبەکان ڕادەکەن بۆ بەشداریکردن لە حکومەتی بەغدا، لەکاتێکدا حکومەتی هەرێمیان لەبەر دزی و تاڵانی گەیاندووەتە ئەوپەڕی داڕزان.
مامۆستا دڵشاد میرانی، نوێنەری مامۆستایانی ناڕازی:
دزیان لە ترەمپیش کرد / گەندەڵکاران بەسزای گەل دەگەن
ئەوانەی وایانزانی وەک چۆن یاری بە چارەنووسی هەزاران خێزانی ئەم وڵاتە دەکەن، دەتوانن بە هەمان عەقڵیەتی "تاڵانی" یاری لەگەڵ هێزە جیهانییەکانیش بکەن، ئێستا باجەکەی دەدەن.
ئیسلام زێباری
وەزارەتی پێشمەرگە گۆڕاوە بۆ قەوارەیەک کە خزمەت بەرژەوەندییەکانی هەندێک فەرماندە و بەرپرسی حیزبی دەکات
ئێستا پێوەرەکانی وەرگرتنی پۆست لە وەزارەتی پێشمەرگەدا، لە زیرەکی و بڕوانامەی سەربازییەوە گۆڕاون بۆ: ئینتیمای حیزبی، نزیکی لە بەرپرسان، مێوانداری، تەلەفۆنی بەرپرسانی دەرەوەی وەزارەت، و کوڕە شێخ و ئاغاکان.
رێبوار کەریم وەلی:
بارزانی لە کیسەی خەلیفە دەبەخشێت
خێرە لە رابردوودا، بارزانی هەڕەشەی لە شیعەکان دەکرد کە ئەگەر گۆڕان لە حکومەتی عێراقدا بەشداری پێبکەن ئەوا ئەو دەکشێتەوە! کەچی ئێستا داوای پۆست بۆ کۆنە گۆڕانێک دەکات!؟