چاویارنیوز _ لەبەرەی هێرشە تیرۆریستییەکەی سەر کێڵگەی غازی کۆرمۆر لەناوچەی چەمچەماڵ کە شەوی چوارشەممە ڕوویدا، گروپی هەماهەنگیی موقاوەمەی عێراق، كە كۆمەڵێك لە میلیشیا شیعەكان لە خۆدەگرێت، بەریئی خۆیان لەهێرشەکە ڕاگەیاند و دەڵێن: ئەوان هیچ پەیوەندییەکیان بەو هێرشەوە نییە و ئامادەیشن بۆ بەشداریکردن لە لێکۆڵینەوەکاندا لەسەر ئەو ڕووداوە.
لە بەیاننامەیەكدا ئەو گروپانە بڵاویانکردۆتەوە، ئەو دەنگۆیانەی کە گروپەكانی موقاوەمە تێوەدەگلێنێت لە هێرشەکەی سەر کۆرمۆر، دوورە لە ڕاستییەوەو ئامانجی لەم هێرشکردنەسەر گروپەکان بۆ تێكەڵكردنی كارتەكان و داپۆشینی ململانێ هەرێمایەتییەکانە.
ئەو گروپانە دڵنیایی دەکەن کە لە ئەجێندای ئەواندا نییە هیچ شوێنێکی مەدەنی بكاتە ئامانج و چەکەکانیشیان تەنها ڕووی لە داگیرکەرانە.
موقاوەمە تۆمەتەکە ڕەتدەکاتەوە
دوای ئەوەی گروپێک میدیای باشوور، هێز و میلیشیا شیعەکانی تۆمەتبار کرد بە هێرشەکەی سەر کێڵگەی غازی کۆرمۆر، بەڵام بەشێک لەئەو هێزانە تۆمەتەکە ڕەتدەکەنەوە.
No Comment! Be the first one.