پەیامی گرنگی کاپتنی لیڤەرپوول بۆ سەڵاح

چاویارنیوز – ڤێرجیل ڤان دایک کاپتنی یانەی لیڤەرپوول داوای لە محەمەد سەڵاح کرد بۆ ئەوەی وەرزی داهاتوو لە یانەی مێرسیساید بمێنێتەوە و پاڵپشتیشی کرد بۆ ئەوەی لە ساڵی کۆتایی گرێبەستەکەیدا بەردەوام بێت لە کارکردن لەگەڵیدا.

دوای پێکدادانی گشتی لەگەڵ ئارن سلۆت لە مانگی کانوونی دووەمی ساڵی ڕابردوودا، ئایندەی سەڵاح خرایە ژێر گومانەوە. ئەو یاریزانە باڵە گۆڵکارە بۆ یەکەمجار لە ژیانی وەرزشیدا لە یانەی لیڤەرپوولدا دابەزی بۆ کورسی یەدەگ و باس دەکرا سەبارەت بە ئەگەری دەرچوونی لە مانگی یەکدا. دواجار  و زۆر درەنگ گرێبەستێکی لەگەڵ کرا و سەڵاح لە دوای گەڕانەوەی لە جامی نەتەوەکانی ئەفریقا لەگەڵ میسر لە هەموو یارییەکدا  دەتوانێ یاری بکات.

بەڵام قسە و باسەکان لەسەر ڕۆیشتنی سەڵاح بەردەوامن. مەگەر یانەکە ڕێککەوتن لەسەر درێژکردنەوەی گرێبەستی نوێ لەگەڵیدا بکات، هاوینی داهاتوو دوا هەل دەبێت کە دەبێت پارەیەک بۆ فرۆشتنی وەربگرن. ڤان دایکیش لە دۆخێکی هاوشێوەدایە، دوای سەڵاح لە مانگی نیسانی ٢٠٢٥دا گرێبەستەکەی بۆ ماوەی دوو ساڵ درێژکردەوە.

ڤان دایک دوای بردنەوەی ڕۆژی شەممەی ڕابردوو بەرامبەر برایتۆن و هۆڤ ئەلبیون بە ڕۆژنامەنووسانی ڕاگەیاند؛

“مۆ وەک منە؛ ساڵێک ماوە بۆ گرێبەستەکەی، بۆیە دەبینین چی ڕوودەدات، هەمیشە حەزم دەکرد مۆ بمێنێتەوە، چونکە هاوڕێی باشین و زۆر هەوراز و نشێومان تێپەڕاندووە، نامەوێت بڵێم دابەزینەکان، پێکەوە. مۆ یاریزانێکی زۆر گرنگە بۆ لیڤەرپوول، ستانداردێکی زۆر بەرزی داناوە. تەنها دەتوانم بڵێم هیچ شتێک بۆ ئێمە نەگۆڕاوە. زۆر شت هەیە کە خەڵک نایبینن بەڵام زۆر گرنگن بۆ ئەوەی ببنە یاریزانێک”. تیمێکی سەرکەوتوو دەبینین کە چەندە دەتوانێت گرنگ بێت و چەندە کاریگەرە لە ماوەی وەرزەکەدا”.