چاویارنیوز _ لە چەند ڕۆژی داهاتوودا مۆندیالی 2026 دەستپێدەکات و لەم نێوەندەشدا ئامارێکی گرنگ ناتوانرێت پشتگوێ بخرێت.
هەر 48 هەڵبژاردەی بەشداری مۆندیالی 2026 وردە وردە خۆیان بۆ دەستپێکردنی پاڵەوانێتییەکە ئامادە دەکەن، هەموو تیپەکانیش بەدوای ئەو ئامانجانەدا دەگەڕێن کە ڕەنگە گەیشتنیان بۆ قورس بێت، بەڵام مەحاڵ نییە. ڕەنگە جەنگی ئەستێرەکان وەکوو فیلمێک وابێت، بەڵام لە مۆندیالی 2026دا ڕەنگ و تامی واقیعی وەرگرتووە و ئەگەر یاریزانە بەشداربووەکانی ئەم پاڵەوانێتییە بخەینە ژێر مایکرۆسکۆپەوە، ئەوا بە ڕوونی لەوە تێدەگەین کە لیۆنێل مێسی و کریستیانۆ ڕۆناڵدۆ و دێمبلی و ئمباپێ و ئولیس و ڤان دایک و نەیمار و یامال و ڕافینها و… ئەو ئەستێرانەن کە بەم زووانە لە مۆندیالی 2026 یاری دەکەن.
خەڵاتی تۆپی ئاڵتوون خەڵاتێکە کە ساڵانە دەدرێت بە باشترین یاریزانی تۆپی پێ جیهان، هەروەها بە لەبەرچاوگرتنی ئامادەبوونی یاریزانە جۆراوجۆرەکان لە مۆندیالی 2026، 16 براوەی تۆپی ئاڵتونی لەم زنجیرە پێشبڕکێیەدا دەبینین. لیۆنێل مێسی خاوەنی 8 تۆپ و کریستیانۆ ڕۆناڵدۆ 5 تۆپ و عوسمان دێمبلی 1 تۆپ و ڕۆدری 1 تۆپ و لۆکا مۆدریچ 1 تۆپی زێڕینن کە لە مۆندیالی 2026 ئامادە دەبن. ئەمەش لە مێژوودا بێ وێنەیە و لە لایەکی دیکەوە براوەی پلەی دووەم و سێیەمی خەڵاتی تۆپی ئاڵتوون لەم ساڵانەی دواییدا وەک نەیمار و ڕافینها و یامال و ڤینیسیۆس جونیۆر و هتد لەم پێشبڕکێیانەدا دەبینرێن.
بە دڵنیاییەوە بوونی ئەستێرەکانی نەوەی نوێ و کۆن دەتوانێت سەرنجڕاکێشیی مۆندیالی 2026 دوو هێندە بکات. ڕۆناڵدۆ چاوی لەوەیە لەگەڵ هەڵبژاردەی پورتوگال نازناوی پاڵەوانێتیەکە بەدەستبهێنێت بۆ ئەوەی پێش ماڵئاوایی پەروەندەی ژیانی وەرزشی خۆی تەواو بکات، لەلایەکی دیکەشەوە یاریزانەکانی تریش چاویان لەوەیە لەگەڵ وڵاتەکانیاندا مۆندیالی 2026 ببەنەوە. لە هەر حاڵەتێکدا دەبێت چاوەڕێ بکەین بزانین لە مۆندیالدا چی ڕوودەدات و کام هەڵبژاردە پاڵەوانێتییەکە بەدەست دەهێنێت.
No Comment! Be the first one.