چاویارنیوز – لویس ئێنریکی ڕاهێنەری یانەی پاریس سانجێرمان ستایشی ڤیتینای یاریزانی پورتوگالی دەکات.
ڤیتینها یەکێک لە باشترین ئاستەکانی ئەم وەرزەی تیپەکەی بەرهەمهێنا لە دوایین یاری چامپیۆنزلیگدا بەرامبەر تۆتنهام، هاتریکی ناوازەی تۆمارکرد و پاڵەوانانی ئەوروپای سەرخست.
پاریسییەکان لە یاریگای پارک دی پرینس دووجار لە دواوە بوون، بەڵام ڤیتینها بە نمایشێکی نایاب تیپەکەی ئاراستەی سەرکەوتن کرد. خاوەنی مەدالیای برۆنزی تۆپی ئاڵتونی ٢٠٢٥ بۆ یەکەمجار لە سەروبەندی گێمی یەکەمدا بە لێدانێکی سەرنجڕاکێش بۆ گۆشەی سەرەوە گۆڵی تۆمارکرد و دوای دەستپێکردنێکی لەرزۆک هاوسەنگی، گەڕاندەوە. دوای ماوەیەکی کەم لە پشووەکە بە لێدانێکی دوورەوە گۆڵی دووەمی تۆمارکردەوە و سەرەڕای هەڵەیەک کە بووە هۆی تۆمارکردنی گۆڵی سێیەمی تۆتنهام، بەڵام لە خولەکی ٧٧دا بەبێ دوودڵی لێدانی سزاکەی گۆڕی. نمایشەکە پڕ بوو لە کوالیتی و شارەزایان بە تەواوترین یاریزانی ناوەڕاستی جیهان ناوی دەبەن.
ئینریکی پێش گەشتەکەی پاریس سانجێرمان بۆ مۆناکۆ یەکێک لە وردترین هەڵسەنگاندنەکانی بۆ ڤیتینها پێشکەش کرد.
ئینریکی سەبارەت بە ئاستی ڤیتینهای ئیسپانی دەڵێت: “ئەگەر بتەوێت ئاستی ڤیتینها هەڵسەنگێنیت، دەبێت سەیری وەرزی ڕابردوو بکەیت، دەبێت سەیری وەرزی یەکەمی بکەیت، چۆن شێوازی هێرشبەری ئێمەی گۆڕی و چۆن شێوازی بەڕێوەبردنی یارییەکانی باشتر کرد، بۆ من وەک ڕاهێنەرێک هەبوونی یاریزانێک بەم توانایە زۆر بەنرخە، زۆر حەزی لە یاری تۆپی پێیە و دەیەوێت هەموو ڕۆژێک مەشق و ڕاهێنان بکات، ئەمانە یاریزانانێکن کە دەبێت ئاگاداریان بین”.
No Comment! Be the first one.