چاویارنیوز ــــ لە پشکنینی ئاستی دوو ئەستێرەی گەورەی مێژووی پاریس سانجێرمان، عوسمان دێمبلی و زلاتان ئیبراهیمۆڤیچ، ئاماری یەکەمی سەد یارییان، وێنەیەکی سەرنجڕاکێشی جیاوازی نەوەکان و شێوازی یاریکردنی ئەو دوو هێرشبەرە نیشان دەدات.
عوسمان دێمبلی کە 100هەمین یاری خۆی بە درێسی پاریس سانجێرمان ئەنجامداوە، تا ئێستا توانیویەتی 44 گۆڵ و 32 ئەسیست تۆمار بکات. ئەم ئاستە سەرنجڕاکێشە لەگەڵ بەدەستهێنانی خەڵاتی تۆپی ئاڵتونی ٢٠٢٥، جێگەیەکی تایبەتی بۆ ئەو یاریزانە فەرەنسییە لە تۆپی پێی ئەوروپادا دروستکردووە. لە لایەکی دیکەوە زلاتان ئیبراهیمۆڤیچ کە یەکێک بوو لە باشترین هێرشبەرەکانی دوو دەیەی ڕابردوو، لە 100 یاری یەکەمدا لەگەڵ پاریس سانجێرمان ئاماری هێندەی تر گەشاوەتری بەجێهێشت. بە تۆمارکردنی 83 گۆڵ و 35 ئەسیست، ڕۆڵێکی بەرچاوی هەبوو لە هێزی هێرشبەری پاریس سانجێرمان لەو کاتەدا و بووە زە یەکێک لە کەسایەتییە گرنگەکانی یانەکە.
سەرەڕای درەوشاوەیی نائاسایی، سەردەمی زلاتان هاوکات بوو لەگەڵ باڵادەستی لیۆنێل مێسی و کریستیانۆ ڕۆناڵدۆ لە تۆپی پێی جیهانیدا؛ هۆکارێک کە وایکرد زۆرێک لە پسپۆڕان زلاتان لە نێو ئەو یاریزانانەدا بزانن کە نەیانتوانی بە تەواوی درەوشاوەیی خۆیان لە ئاستی خەڵاتی تاکەکەسیدا نیشان بدەن. بەراوردکردنی ئەو دوو یاریزانە جیاوازی نێوان دوو قۆناغی مێژووی یانەکە دەردەخات؛ سەردەمێک کە بە هێز و کاریزمای زلاتان دەستی پێکرد و ئێستا بە تەکنیک و خێرایی و درەوشاوەیی دێمبێلێ بەردەوامە. بەڵام هەردووکیان بە شێوازی جیاواز ناوەکانیان لە مێژووی پاریس سانجێرماندا نەمر کردووە.
No Comment! Be the first one.