چاویارنیوز _ كاروان یاروەیس ئەندامی ئەنجومەنی نوێنەرانی عێراق بۆ ڕایگەیاندووە شیعەکان ساڵانێکە هەموویان لە چوارچێوەی هەماهەنگیدا کۆبوونەتەوە و بەهەموو ناکۆکیەکانیانەوە لەژێر چەتری (ئیتار) وەلاوە ناوە، سووننەکانیش دەستپێشخەرییەکیان هەیە و ئەنجوومەنێکی سیاسییان پێكهێناوە، بەڵام ئەوەی هیچی بۆ خۆی نەکردووە، تەنها هێزە سیاسییەکانی کوردە.
یاروەیس ئاماژە بۆ ئەوەش دەکات، شیعە و سوننە هیچکامیان کێشەی نەتەوەییان لەعێراقدا نییە، بەڵام کورد خاوەنی پرسێکی نەتەوەیی 100 ساڵەیە لە عێراقدا، هەروەها ئێستا کێشەی مووچەیشی هاتۆتەسەرو قەیرانێکی قووڵە، لە سەنگەری پێشەوەی سنوری خوارووی کوردستانیش کورد لەهەڵبژاردن پاشەکشەی کردووە، بەڵام هێشتا نەک یەکریز نابن بەڵکو بەردەوام لە دۆخی پەرتەوازەییدان و گووتاری لێکترازان زاڵە بەسەر گووتاری دڵسۆزی و نەتەوەیی و یەکڕیزیدا.
جەختیشی كردەوە، یەکریزی پێویستیەکی گرنگی ئەم قۆناغەیە، لەدواجاریشدا هەموو ئەو ئالۆزی و کێشانەی ئێستا هەیە، مەحکومن بە چارەسەر بەرێگای گفتوگۆی سیاسییانە.
داوای یەكڕیزی لایەنە كوردستانییەكان دەكرێت
شیعەكانی عێراق خاوەن پرۆژەی “چوارچێوەی هەماهەنگی”ن، سوننەكانیش لەهاوپەیمانییەکدا خۆیان کۆکردۆتەوەو ناویانلێناوە “ئەنجوومەنی سیاسیی نیشتمانی”، بەڵام ئەوەی ماڵێکی لێکترازاوی هەیە کوردە کە ئەوەندەی شەڕی پۆست دەکەن لە عێراق ئەوەندە هەوڵی مافەکانی کورد نادەن.
No Comment! Be the first one.