چاویارنیوز _ دوای دیارنەمانی زیاتر لە دوو ترلیۆن دینار، ئەحمەد ئەسەدی وەزیری کار و کاروباری کۆمەڵایەتیی عێراق ڕایگەیاند: بڕی دوو ترلیۆن و 500 ملیار دینار کە تەواوی پارەی سندوقی چاودێریی کۆمەڵایەتییە و لە وەبەرهێنان و پشکی سندوقەکە لە قازانجی کۆمپانیاکانەوە کۆکراوەتەوە، لەئێستادا دیار نەماوە.
ئاماژەی بەوەشکردووە، وەزارەتی کار ویستوویەتی لەڕێگەی ئەو بڕە پارەیە و قازانجی وەزارەتەوە، مووچەی چاودێریی کۆمەڵایەتی دابینبکات، ئەوەش لەبری پشتبەستن بە حکومەت و خەزێنەی دەوڵەت، بەڵام کاتێک دوو مانگێک پێش ئێستا سەیری سندوقەکەیان کردووە، زانیویانە هەموو پارەکە بێئاگاداریی ئەوان ڕاکێشراوە و دیارنەماوەو تووشی سەرسوڕمان بوون.
وتیشی: ئەوەی تائێستا باسکراوە، لەنێوان وەزارەتی کار و داراییدا پارەکە دیارنەماوە و پێدەجیت پارەکە بۆ سەنەدات ڕاکێشرابێت و وەزارەتەکەشیان سکاڵای تۆمارکردوە.
دوو ترلیۆن و 500 ملیار دینار لە وەزارەتی کار دیارنەماوە
میدیاکانی عێراق بڵاویانکردەوە، دوو ترلیۆن و نیو دینار لە وەزارەتی کاری عێراق دیارنەماوە، پارەکەش لەنێوان وەزارەتیی کار و داراییدا بووە.
No Comment! Be the first one.