چاویارنیوز _ پێدرۆ پرۆینسا، سەرۆکی فیدراسیۆنی تۆپی پێی پورتوگال دووپاتیکردەوە کە فیدراسیۆنەکە و ڕاهێنەری هەڵبژاردەی نیشتمانی و یاریزانەکان دەیانەوێت کریستیانۆ ڕۆناڵدۆ لە مانگی نۆڤەمبەردا بگەڕێتەوە بۆ فیفا.
بەڵام هێشتا دۆسیەی دیسپلینیی کاپتنی هەڵبژاردەکە بەردەوامە و بڕیاری کۆتایی سەبارەت بە سزادانی لە دەستی لیژنەی دیسپلیندایە دەبێت.
پرۆینسا بە ڕۆژنامەنووسانی ڕاگەیاند، هەموو لایەنەکان ئامادەن لە مانگی نۆڤەمبەردا جارێکی دیکە پێکەوە بن. دووپاتیشی کردەوە، فیدراسیۆن دەیەوێت بە زووترین کات کاپتنەکەی هەبێت و ئەمەش خواستی هاوبەشی بەرپرسان و ستافی تەکنیکی و خودی یاریزانەکەیە.
چیرۆکی ئەم دواییەی ڕۆناڵدۆ لەدوای جێهێشتنی کەمپی هەڵبژاردەی پورتوگال لە کۆپنهاگن و لە سەروبەندی یارییەکەی بەرامبەر دانیمارک دەستیپێکرد. ئەستێره تەمەن 41 ساڵەکه ، دوای ئەوەی له یارییەکەی بەڕامبەڕ نەرویج بەشداری نەکرد و زانی له پێکهاتەی سەرەکیدا نابێت بەڕامبەر دانیمارک، کەمپی هەڵبژاردەکەی بەجێهێشت. دواتر داوای لێبوردنی لە هاوڕێکانی و هاندەرانی کرد و ڕایگەیاند کە هێشتا ئامادەیە بۆ یاریکردن بۆ هەڵبژاردەی نیشتمانی دوای ئەوەی هەر سزایەکی ئەگەری بەسەردا سەپێنرا.
بەڵام فیدراسیۆنی تۆپی پێی پورتوگال ڕۆژی شەممە ڕایگەیاند، بە فەرمی ڕێوشوێنی دیسپلینی دژی ڕۆناڵدۆ دەستیپێکردووە و بەپەلە پێداچوونەوە بە دۆسیەکەی دەکرێت. هێرشبەرەکەی ئەلنەسر بۆ ماوەیەکی کاتی ڕاگیرا و دوا ماوەی سزاکەی هێشتا دیاری نەکراوە.
پورتوگال بڕیارە لە مانگی نۆڤەمبەری ئەمساڵدا لە خولی نەتەوەکاندا ڕووبەڕووی دانیمارک و ڤێڵز ببێتەوە. ماوەتەوە بزانرێت کەی دۆسیەی ڕۆناڵدۆ کۆتایی پێدێت و ئایا دەتوانێت جارێکی تر لە پاڵەوانێتییەکە بۆ هەڵبژاردەکەی یاری بکاتەوە یان نا.
No Comment! Be the first one.