هەڵبژاردەی تۆپی بالەی ئافرەتانی ئیتالیا لەگەڵ ڤێلاسکۆ جارێکی تر بووە پاڵەوانی جیهان

چاویارنیوز ـــ هەڵبژاردەی تۆپی باڵەی ئافرەتانی ئیتالیا به سەرۆکایەتی ڕاهێنەری پێشووی ئێران جارێکی دیکه بووه پاڵەوانی جیهان.

هەڵبژاردەی تۆپی بالەی ئافرەتانی ئیتالیا کە لە ڕیزبەندی یەکەمی جیهاندایە و جولیۆ ڤێلاسکۆی ڕاهێنەری پێشووی ئێران سەرپەرشتی دەکات، دووەم نازناوی پاڵەوانێتی خۆی لە پاڵەوانێتی جیهانی FIVB بەدەستهێنا بە بردنەوەیەکی سەرنجڕاکێش 3-2 لە تورکیا کە هەڵبژاردەی سێیەمی جیهانە.
خولیۆ ڤێلاسکۆ، ڕاهێنەری ئەرجەنتینی تەمەن 73 ساڵ، لەوەتەی ساڵی 2024 سەرپەرشتی هەڵبژاردەی ئافرەتانی ئیتالیا دەکات، دوو نازناوی خولی نەتەوەکان و مەدالیای زێڕینێکی ئۆڵۆمپیادی بەدەستهێناوە و ئێستا پاڵەوانێتییەکی جیهانیشی بەدەستهێناوە.

ڤێلاسکۆ: خەونی ئێمە ئەوە بوو کە پاڵەوانێتییەکە بەدەست بهێنین

دوای بردنەوەکە ڤێلاسکۆ گوتی: “بردنەوەی پاڵەوانێتی جیهان دوای زێڕی ئۆڵۆمپیاد ئاسان نییە، چونکە هەموو هەڵبژاردەکان هیواخوازن ئیتالیا ببەزێنن. بەڵام ئێمەش خەونێکمان هەبوو؛ بردنەوەی پاڵەوانێتی جیهان دوای ئۆڵۆمپیاد. ئەم تیپە هەمیشە لە مەشقدا باشترین ئاست پێشکەش دەکات و من شانازی پێوە دەکەم.

“دانیال سانتارێلی ڕاهێنەری ئیتالی هەڵبژاردەی تورکیا گوتی: “ئێمە ڕکابەریمان وەستاند. تاکە پەشیمانی من ئەوەیە کە کاتێک لە کۆمەڵەی پێنجەمدا 6-4 پێشکەوتین، شڵەژان بووین و زیرەکانە هێرشمان نەکرد. لە کۆتاییدا وامانزانی یارییەکە لە دەستی ئیتالیایە. ئەمە وانەیەکی گەورەیە بۆ ئێمە.”