ژمارەی گۆڵەکانی تارێمی لە یۆناندا 50 هێندە زیادی کردووە

چاویاریوز ـــ هێرشبەری هەڵبژاردەی ئێران تا ئێستا یەک یاری لە پێکهاتەی سەرەکی ئۆڵۆمپیاکۆس ئەنجام نەداوە و خۆی بە “مەترسیدارترین هێرشبەری یۆنان” ناساندووە.

مێهدی تارمی، هێرشبەری هەڵبژاردەی ئێران، زووتر لەوەی هەمووان بیریان لێدەکردەوە، دوای وەرزە نائومێدکەرەکەی لەگەڵ ئینتەردا و بەپێی ڕاپۆرتێکی ئەمڕۆ چوارشەممە لەلایەن ماڵپەڕی وەرزشی یۆنانیەوە، وەک یەکێک لە سێ هێرشبەرە مەترسیدارەکانی خولی سوپەرلیگی یۆنان ناسێندرا.

ئەستێرەی هەڵبژاردەی ئێران که له 1887 خولەکی یاریکردن بۆ ئینتەرمیلان تەنیا گۆڵێکی تۆمار کردبوو، ئێستا توانیویەتی له 77 خولەکی یاریکردن بۆ ئۆڵۆمپیاکۆس 2 گۆڵ تۆمار بکات، واته ژمارەی گۆڵەکانی تارێمی له یۆنان به بەراورد به ئیتاڵیا 50 هێنده زیادی کردووه.

هێرشبەرە ئێرانییەکە لە یەک وەرزدا 43 جار لەگەڵ ئینتەرمیلان یاریی کردووە و تەنیا 3 گۆڵی تۆمارکردووە، کە 2 گۆڵیان لە لێدانی سزا بوو.
دوای گواستنەوەی بۆ ئۆڵۆمپیاکۆس، لە یەکەم یاریدا تەنها لە 22 خولەکدا 2 گۆڵی تۆمارکرد، لە کۆتا یاریشدا لە خولەکی 80 هاتە ناو یاریگا و لە خولەکی 90+1 گۆڵی یەکسانکردنەوە و ڕزگارکردنی ئۆڵۆمپیاکۆسی تۆمارکرد.
ئێستا، سایتە یۆنانییەکە دەنووسێت تارێمی هێشتا نەگەیشتووەتە پێکهاتەی سەرەکی ئۆڵۆمپیاکۆس و خۆی وەک یاریزانێکی یەدەگ وەک “ژەهراویترین هێرشبەری یۆنان” ناساندووە.