چاویارنیوز _ شەوی ڕابردوو وەزارەتی دارایی عێراق ڕاگەیەنراوێکی بڵاوکردەوەو دەڵێت: قسەكانی سەرۆکی یەکێتی بەڵێندەران کە وتوویەتی “بە توندی ئەو تۆمەتە ڕەتدەکاتەوە کە گوایە ئەندام پەرلەمانێکی ژن نێردراوە بۆ دانوستان لەگەڵ وەزیر تەیف سامی سەبارەت بە باجی دارایی بەڵێندەران”، ڕاست نیین و کۆبوونەوەیەکی لەوشێوەیە نەبووە.
وەزارەتەکە بەرگریی لە تەیف سامی دەکات و جەخت دەکاتەوە، لهگهڵ هیچ ئەندام پەرلەمانێ ژن بۆ مەبەستێکی لەو شێوەیە كۆنهبووهتهوه و بڵاوکردنەوەی ئەو جۆرە ئیدیعایە و بۆ بەلاڕێدابردنی ڕای گشتی.
بۆ دڵنیاییکردنەوەش، لای خۆیەوە وەزارەتی دارایی بەڕەسمی بڕیارنامەی (435 و 721ی ساڵی 2025)ی ئەنجومەنی وەزیرانی بۆ یەکێتیی بەڵێندەران ناردووه، کە دوو ترلیۆن دیناری تەرخانکردوە، ئەوە جگە لەوەی خشتەی تەرخانکردنی بۆ دابینکردوە کە نوێنەرایەتی 25%ی شایستەییەکان دەکات. ڕاشیگەیاندووە، هەمو ڕێکارەکانیان بە ڕەزامەندیی نوێنەری یەکێتیی بەڵێندەران ئەنجام دراون، کە بە شێوەیەکی ڕاستەوخۆ لە کۆبوونەوەکانی ئەنجومەنی وەزیران بۆ كاروباری ئابووری ئامادە بووە.
ئەمە لەکاتێکدایە، لهماوهی ڕابردوودا، یەکێتیی بهڵێندهران له عێراق، ناڕهزاییان پیشاندا له پارهی تهرخانكراو بۆ پڕۆژهكان، بەڵام ئێستا هۆشداری دهدرێت لهوهی عێراق رووبهڕووی كێشهی نهختینه دهبێتهوه و چهند مانگێكیشه دابهشكردنی مووچه له عێراقدا بۆ چهند رۆژێك دوادهكهوێت.
وهزارهتی دارایی: کۆبوونەوەمان نەکردووە
بەپێی ڕاگەیەنرێکی وەزارەتەکەی، تەیف سامی لەگەڵ هیچ پەرلەمانتارێکی ژن کۆنەبووەتەوە لەبارەی قەرزەکانەوە، ئەو ڕاگەیەنراوەش لەمیانی وەڵامێکدا دێت بۆ سەرۆکی یەکێتیی بەڵێندەران، دهڵێت "ئەوەی لهوبارهیهوه سەرۆکی بەڵێن وتوویەتی، دوره له راستییهوه.
No Comment! Be the first one.