“خوان ژسوس” پەیوەندی بە “ڤێنتێزیا”وە دەکات!

چاویارنیوز _ خوان ژسوس، بەرگریکاری بەئەزموونی بەڕازیلی، لە لێواری پەیوەندیکردندایە لەگەڵ یانەی ڤێنتیێزیا.

ڤێنتێزیا لەگەڵ خوان ژسوس گەیشتووەتە ڕێککەوتنی زارەکی بۆ بەهێزکردنی هێڵی بەرگری و بەرگریکارە تەمەن 35 ساڵەکەش دوای کۆتاییهاتنی گرێبەستەکەی لەگەڵ ناپۆلی بەشێوەیەکی بێبەرامبەر یانەکە جێدەهێڵێت. بەگوێرەی ڕۆژنامەی جیانلوکا دی مارزیۆ، ڕێککەوتن کراوە بۆ گرێبەستی یەک ساڵە لەگەڵ بژاردەی درێژکردنەوەی بۆ وەرزی دووەم و پێشبینی دەکرێت بەم نزیکانە گرێبەستەکە واژۆ بکرێت.

خوان ژسوس لە کۆتایی وەرزی ڕابردوودا ناپۆلی جێهێشت و یانە ئیتاڵییەکەش بە فەرمی ماڵئاوایی لێکرد. بەرگریکارە بەڕازیلییەکە لە ساڵی ٢٠٢١ەوە لە یانەی ناپۆلدا بە کۆی گشتی ١٣٠ یاری بۆ تیپەکە ئەنجامداوە و پێنج گۆڵی تۆمارکردووە. لەم ماوەیەدا دوو نازناوی خولی ئیتاڵیا و یەک جامی سوپەری ئیتاڵیاشی بەدەستهێنا.

هەروەها ئەم یاریزانە پێش ناپۆلی پێشینەی یاریکردنی بۆ ئینتەر و ڕۆما لە تۆپی پێی ئیتاڵیا هەبووە و ساڵانێکی زۆری لە خولی ئیتاڵیا بەسەر بردووە، دوای پێکانەکەی بارتۆڵ فرانجیچ، ڤێنتیزیا بڕیاریدا جارێکی تر هەوڵی ڕاکێشانی ئەم بەرگریکارە بەئەزموونە بدات و دواجار ڕەزامەندی خۆی وەرگرت.

بەم شێوەیە خوان ژسوس دوای کۆتایی هاتنی کاتەکانی لە ناپۆلی بەردەوام دەبێت لە یاری تۆپی پێی ئیتاڵیا، بەڵام ئەمجارەیان درێسی ڤێنتێزیای لەبەردایە.