چاویارنیوز ـــ دیێگۆ سیمیۆنی بە ئاشکرا دانی بەوەدانا کە دوای کۆتایی هاتنی ئەرکەکانی لە یانەی ئەتلەتیکۆ مەدرید، خەون بە ڕاهێنەرایەتی ئینتەرمیلانەوە دەبینێت و جەختی لەوە کردەوە کە ئەم خەونە ڕۆژێک دێتە دی.
ئەمشەو ئینتەر و ئەتلەتیکۆ مەدرید لە هەفتەی پێنجەمی چامپیۆنزلیگدا ڕووبەڕووی یەک دەبنەوە.
لە سەروبەندی ئەم یارییەدا سیمیۆنی وێڕای شیکردنەوەی خاڵە بەهێزەکانی ئینتەرمیلان، باسی پەیوەندی سۆزداری خۆی لەگەڵ نێرازۆری کرد لە ڕۆژانی یاریکردنیدا. ئینتەری بە یەکێک لە تیمە تەواوەکانی پێشبڕکێکە دانا و تیشکی خستە سەر پێکهاتەی هێرشبەری و قووڵایی پێکهاتە و کارەکتەری تیپەکەیان. لەبەرامبەردا ئاستە لەرزۆکەکەی ئەتلەتیکۆ لە قۆناغی کۆمەڵەکاندا فشارێکی زیاتری خستۆتە سەر ئایندەی ئەوروپی تیپەکە.
لە وەڵامی پرسیارێکدا سەبارەت بە داهاتووی، سیمیۆنی وتی: ئەوە تەنها پەیوەندی بە منەوە نییە، بەڵکو دەتوانم ڕۆژێک لە کاتی ڕاهێنەرایەتیمدا لەسەر کورسی یەدەگی ئینتەرمیلان خۆم بە خەیاڵمدا بهێنمەوە و پێداگری کرد کە، پێموایە ڕۆژێک ڕوودەدات.
لە هەمان کاتدا سەرسامییەکی زۆری بە تیپی ئێستای ئینتەرمیلان نیشان دا و وتی: ئینتەر زۆر باش یاری دەکات، کارەکتەری هەیە و شێوازێکی هێرشبەری ڕوونی هەیە، پێکهاتەکەیان خەیاڵییە، بە تەواوەتی باڵادەست بوون بەرامبەر میلان و هەلی گۆڵکردنیان هەبوو، ژمارەکانیان لە چامپیۆنزلیداگ هەموو شتێک پیشان دەدات.
یاریزانی یانەی بەرشەلۆنە دەڵێت: بۆ تیپێکی وەک ئینتەر، دۆڕانی دێربی واتە بە خێرایی بیخەنە دواوە و بەرەو پێشەوە بچن، ئەوان تیپێکی زۆر بەهێزن، ڕکابەری سەرەکی سکودێتۆن و تیپێکن کە ڕێگەیەکی دوور دەبڕن لە چامپیۆنزلیگیشدا.
لە کۆتاییدا سەبارەت بە دۆخی ئەتلەتیکۆ وتی: هەموو یارییەک گرنگە بۆ ئێمە بەبێ گوێدانە یاریزانی بەرامبەر، ئێمە لە قۆناغی بەرەو سەرەوەی وەرزداین و پێویستە لە بوارە جیاوازەکاندا پێشبکەوین، ئێمە ئاگاداری ئەمەین و کار لەسەری دەکەین.
No Comment! Be the first one.