پەیامی پڕمانای ئەستێرەی ئینگلیزی یانەی بەرشەلۆنە لە ڕۆژی لەدایک بوونیدا

چاویارنیوز ــ مارکوس ڕاشفۆرد، لەکاتی ئاهەنگی ٢٨ ساڵەی لەدایکبوونیدا، پەیامێکی پڕمانای بڵاوکردەوە.
دابەزینی لەناکاوی لە یانەی مانچستەر یونایتد بۆ هاندەرانی یانەکە نائومێدکەر بوو. ئەو یاریزانەی کە لە وەرزی 2022-2023 ڕووخساری تیپی زیندووکراوی ئێریک تێن هاگ بوو، کە لە 56 یاریدا 42 گۆڵی تۆمارکرد، لە وەرزەکانی دواتردا ڕووخسارێکی تەواو جیاوازی نیشان دا. لە سەرەتای وەرزی 2023-2024 تا ڕۆیشتنی لە کانوونی دووەمی 2024، ڕاشفۆرد لە 67 یاریدا 24 گۆڵی تۆمارکرد، بەڵام لەو کاتەوەی بە خواستن پەیوەندی بە یانەی بەرشەلۆنەوە کرد، ئاستەکەی گەڕاوەتەوە بۆ ڕۆژە خۆشەکانی و ئێستا ئاماژەکان بۆ گەڕانەوەی ئەو یاریزانە هەیە کە هاندەرانی یونایتد ماوەیەکی زۆرە چاوەڕێی دەکەن.

لە 13 یاری لالیگا و چامپیۆنزلیگ 12 گۆڵی تۆمارکردووە، لەنێویاندا 4 گۆڵ لە ئەوروپا. دوای 18 مانگ لە دابەزین لە ژێر دەستی ڕوبێن ئەمۆریم، ئێستا ڕاشفۆرد بڕیاریداوە چیرۆکی گەڕانەوەی خۆی لە ئیسپانیا بنووسێت.

بەبۆنەی 28 ساڵەی لەدایکبوونیەوە وێنەی ژمارە 28ی لە سۆشیال میدیا بڵاوکردەوە و کێکێکیش کە دیزاینی بەرشەلۆنەی لەسەر بوو، نووسیویەتی: “وەرزی 28؛ زیندووبوونەوە…”

ئەو پەیامە مانادارە دەتوانێت ئاماژەیەک بێت بۆ لەدەستدانی ڕۆحی تۆپی پێی لە یاری ئەستێرە ئینگلیزی لە کۆتایی یارییەکانی لە ئۆڵدترافۆرد، سەردەمێک کە بە باوەڕی ناوبراو، دوای گواستنەوەی بۆ بەرشەلۆنە کۆتایی پێهاتووە و ئەوا ئێستا ئەو زیندوو بووەتەوە.