چاویارنیوز ـــ دوای زیادبوونی بەرچاوی ئارەزووی هاندەرانی تۆپی پێ لە سەرانسەری جیهان، پرۆسەی فرۆشتنی بلیتی مۆندیالی 2026 دەچێتە قۆناغی سێیەم و گرنگترین قۆناغی خۆیەوە.
فیفا ڕایگەیاندووە، لە دوو قۆناغی یەکەمدا هاندەرانی زیاتر لە 200 وڵات و ناوچەکە نزیکەی دوو ملیۆن بلیتیان کڕیوە؛ ئامارێک کە دەریدەخات کە سەیرکردنی گەورەترین پاڵەوانێتی تۆپی پێی جیهان لە ئێستاوە گەیشتووەتە لووتکە. ئەم قەبارەی فرۆشتنە لە قۆناغی یەکەمی تیروپشکەکەدا ئەنجامدرا؛ کە توانای بەردەستی بلیتەکان بە خێرایی حجزکرا و لەلایەن هاندەرانەوە پڕکرایەوە.
ئێستا کاتی قۆناغی سێیەمە؛ قۆناغێک کە بە ” هەڵبژاردنی بەهەڵکەوت” ناسراوە. ئەم قۆناغە کاتژمێر ٩:٠٠ی شەوی ١١ی سێپەمبەر دەست پێدەکات و هاندەران تا ١٣ی ژانڤییە مۆڵەتیان هەیە بۆ تۆمارکردنی داواکارییەکەیان بۆ بەشداریکردن لەم تیروپشکەدا. لەم ماوەیەدا هەر کەسێک دەتوانێت داوای بلیت بۆ یارییەکان بکات کە بە دڵی خۆیەتی و لە دوای وادەی کۆتاییش بەپێی پرۆسەی تیروپشک براوەکان دیاری دەکرێن.
قۆناغی سێیەمی فرۆشتن ڕاستەوخۆ دوای تیروپشکی کۆتایی مۆندیالی 2026 دەستپێدەکات کە بڕیارە لە 5ی سێپتەمبردا ئەنجام بدرێت، دوای ماوەیەکی کەم لەم مەراسیمە خشتەی تەواوی پاڵەوانێتییەکە بڵاودەکرێتەوە. گرنگی ئەمەش ئەوەیە کە بۆ یەکەمجار هاندەران دەتوانن بڕیار بدەن سەبارەت بە کڕینی بلیتی یارییە تاکەکەسییەکان بە زانیاری تەواو لەسەر پێکهاتەی کۆمەڵەکان و ڕێگاکانی تیپەکان و خشتەی وردی قۆناغی کۆمەڵەکان. ئەمەش ڕێگە بە هەڵبژاردنی ئامانجدارتر دەدات و چانسی سەیرکردنی ئەو یارییانە زیاد دەکات کە هاندەران زۆریان خۆشدەوێت.
No Comment! Be the first one.