چاویارنیوز _ یوڤانتۆس چاودێری دۆخی “نیک ڤۆڵتامادێێ” هێرشبەری یانەی نیوکاسڵ دەکات لەگەڵ داخستنی دەرگای گواستنەوەی هاوینە و چاوی لەوەیە ئەگەری گواستنەوەی یاریزانەکە بە خواستن بزانێت.
فابریزیۆ ڕۆمانۆ ڕایگەیاندووە، یۆڤانتۆس هاوشانی جوشوا زیرکزی، ڤۆڵتامادیشیان بە بژاردەیەک زانیوە بۆ بەهێزکردنی هێرشبردنیان. دانوستان و ڕەچاوکردنی ئەم بژاردەیە لە دۆخێکدا بەڕێوەدەچێت کە هێشتا داهاتووی جاناتان دەیڤد لە تۆرینۆ نادیارە و ئەگەر هێرشبەرەکە بڕوات، ئەوا یوڤانتۆس دەبێت جێگرەوەی ئەو یاریزانە وەربگرێت.
بەپێی ڕاپۆرتێکی سکای سپۆرت ئیتاڵیا، پێشنیاری یۆڤانتۆس بۆ ڤۆڵتامادەێ دەکرێت لە شێوەی گواستنەوەی خواستنیش بێت لەگەڵ بژاردەی کڕین؛ هاوشێوەی ئەو ئۆفەرەی یانەکە بۆ زیرکزی پێشکەش کردووە.
ڤۆڵتامادێ هاوینی ڕابردوو لە یانەی شتوتگارتەوە بە بڕی نزیکەی 69 ملیۆن پاوەند پەیوەندی بە یانەی نیوکاسڵەوە کرد، بەڵام سەرەڕای دەستپێکی ئومێدبەخشی ئەم وەرزە، بەڵام کێشەی زۆری هەبووە بۆ ئەوەی خۆی لە تیپەکەدا جێگیر بکات، ئەمەش وایکردووە قسە و باسەکان باس لەوە بکەن کە لە ڕۆژانی کۆتایی گواستنەوەی یاریزانان بە خواستن بگوازرێتەوە. هێشتا یۆڤانتۆس و نیوکاسڵ نەگەیشتوونەتە ڕێککەوتن لەسەر ئەو یاریزانە و بابەتەکە لە گفتوگۆدایە.
No Comment! Be the first one.