سوپای پاسدارانی ئێران هێرشی بەرفراوانی کردەسەر هێزەکانی ئەمریکا

چاویارنیوز ـ سوپای پاسدارانی ئێران هێرشی بەرفراوان بە مووشەک و فڕۆکەی بێفڕۆکەوان بۆ سەر بارەگای سەرەکیی فەرماندەیی گەشتی پێنجەمی هێزی دەریایی ئەمریکا و بنکەیەکی ئاسمانی لە ناوچەکە ئەنجامدا.

فەرمانگەی پەیوەندییە گشتییەکانی سوپای پاسداران لە بەیاننامەیەکدا ڕایگەیاند، بارەگای سەرەکیی فەرماندەیی گەشتی پێنجەمی هێزی دەریایی ئەمریکا و بنکەیەکی ئاسمانی و هەلیکۆپتەر لە ناوچەکە بە مووشەک و فڕۆکەی بێفڕۆکەوان کراوەتە ئامانج.

فەرمانگەی پەیوەندییە گشتییەکانی سوپای پاسداران ڕایگەیاند: درەنگانێکی شەوی ڕابردوو، سوپای دەستدرێژیکارانی ئەمریکا لە نزیک گەرووی هورمز بە موشەکێکی ئاسمانی بەر کەشتییەکی نەوتهەڵگری ئێرانی داوە و بەهۆیەوە زیان بە ژووری بزوێنەری تانکەرەکە گەیاندووە.

بە گوێرەی ڕاگەیەندراوەکە، سپای پاسدارانی  ئێران لە کاردانەوە بە ئەم دەستدرێژییە و پێشێلکردنی ڕێساکانی گەرووی هورمز، کەشتیی سەر بە دوژمنی ئەمریکا و زایۆنیستی، پەنایا، بە مووشەکی دەریایی سوپای پاسداران کرایە ئامانج.

لە بەیاننامەکەدا ئەوەش هاتووە:”دوژمنی ئەمریکی لە دەستدرێژییەکی نوێدا، تاوەرێکی پەیوەندییەکانی سوپای پاسداران لە باشووری دوورگەی قشم بە موشەکەکانی ئاسمانی خۆی کردە ئامانج، لە بەرامبەر ئەم دەستدرێژییە، بنکەی ئاسمانی و هەلیکۆپتەرەکانیان کە دەکەوێتە یەکێک لە وڵاتانی ناوچەکە و هەروەها بارەگای سەرەکیی فەرماندەیی گەشتی پێنجەمی هێزی دەریایی ئەمریکا لەلایەن مووشەک و فڕۆکەی بێفڕۆکەوان لە هێزی ئاسمانی ئاسمانی سوپای ئەمریکاوە هێرشیان کرایە سەر”.

سوپای پاسدارانی ئێران لە بەیاننامەکەیدا ڕایگەیاندووە کە پێشتر هۆشداریمان دابوو کە لە ئەگەری دەستدرێژیکردندا وەڵامێکی جیاواز و قورستر دەبێتەوە و بەو پێیە مامەڵەمان کرد. ئەم وەڵامانە دەبوو وانەیەکی فێربوو بوایە.

سوپای پاسدارانی ئێران جەختی لەوە کردەوە: “جارێکی دیکە دووپاتی دەکەینەوە کە تێکدانی ئاسایشی گەرووی هورمز باجی قورسی دەبێت بۆ سوپای دەستدرێژکاری ئەمریکا.”