چاویارنیوز _ لەساڵڕۆژی نێودەوڵەتی کۆتاییهێنان بە بێسزابوونی تاوانەکانی دژ بە ڕۆژنامەنووسان، لەشاری قامیشلۆی رۆژئاڤای کوردستان کۆنگرەیەکی ڕۆژنامەوانی بەڕێوەچوو، تێیدا بنیات جزیری ئەندامی کۆمیتەی لێکۆڵینەوەی ڕاستی بۆ تاوانەکانی دژ بە ڕۆژنامەنووسان ڕایگەیاند وتی: لە سوریادا ڕۆژنامەنووسان بوونەتە ئامانجی لایەنە شەڕکەرەکان و ڕۆژانە مەترسییەکانی سەر ڕۆژنامەنووسان لە سووریا زیاد دەکەن بەهۆی کارکردنیان لە ژینگەیەکی زۆر ئاڵۆزدا کە پڕە لە ململانێی چەکداری.
بەپێی هەواڵی میدیاکان لەم ساڵدا نۆ ڕۆژنامەنووس کوژراون کە بریتین لە شەش ڕۆژنامەنووسی سووری کە لە کاتی بەدواداچوونی ڕووداوەکان لە وڵاتەکە کوژراون و دوو ڕۆژنامەنووسی ئاژانسی هەواڵی هاوار و ئاژانسی هەواڵی فورات لە کاتی گەڕانەوەیان لە بەدواداچوونی هێرشەکانی سەر بەنداوی تشرین، ئۆتۆمبێلەکەیان ڕاستەوخۆ کراوەتە ئامانجی فڕۆکەی بێفڕۆکەوان و شەهید بوون.
لە ساڵێکدا نۆ ڕۆژنامەنووس لە سووریا کوژراون
بەپێی ئاماری (کۆمیتەی لێکۆڵینەوەی ڕاستی بۆ تاوانەکانی دژ بە ڕۆژنامەنووسان)، لە ماوەی ساڵێکدا نۆ ڕۆژنامەنووس لە سووریا کوژراون، یان تیرۆرکراون.
No Comment! Be the first one.