چاویارنیوز _ دۆناڵد ترەمپ سەرۆکی ئەمریکا، لە دواین لێدوانیدا کە قسەی بۆ ماڵپەڕی “جەست زە نیوس” کردووە دەڵێت: ئەمریکا لەئێستادا گرووپی ئیخوان موسلمین، وەک ڕێکخراوێکی تیرۆریستیی بیانی، پۆلێن دەکات.
ترەمپ وتیشی: هەرکات بڕیارەکە دەرچوو، ئەوا بە بەهێزترین مەرجەکان دەچێتە بواری جێبەجێ کردنەوە و بۆئەو مەبەستەش بەڵگەنامەی پێویست و کۆتایی لە ئێستادا ئامادەکراوە، بۆ هەموو لایەکیشی ئاشکرادەکەین کە ئەم پۆلێنکردنە بەشێوەیەکی توند و پابەندکەر، دەردەچێت.
لای خۆشییەوە، سارا ساندەرز سکرتێری ڕۆژنامەوانیی کۆشکی سپی، لە پەیامێکدا کە ڕۆیتەرز بڵاویکردۆتەوە دەڵێت: سەرۆکی ئەمریکا لە بارەی ئیخوان موسلمینەوە ڕاوێژی بە تیمی ئاسایشی نەتەوەیی و سەرکردەکانی ناوچەکە کردووە، لە ڕێگەی ڕێکارێکی ناوخۆییشەوە بەرەوپێش دەچێت.
ئەم پۆلێنکردنە نوێیە، ڕێگە خۆش دەکات بۆ سەپاندنی سزاکان بەسەر جووڵانەوەکەدا، بە تایبەتی ئیخوان موسلمین لە میسر.
ئەمریکا ئیخوان موسلمین وەک ڕێکخراوێکی تیرۆریستی پۆلێن دەکات
سکرتێری ڕۆژنامەوانیی کۆشکی سپی، لە پەیامێکدا کە ڕۆیتەرز بڵاویکردۆتەوە دەڵێت: سەرۆکی ئەمریکا ئیخوان موسلمین وەک تیرۆریست دەناسێنێت و دۆناڵد ترەمپیش ڕاوێژی بە تیمی ئاسایشی نەتەوەییمان کردووە.
No Comment! Be the first one.