چاویارنیوز _ كەناڵی (i24NEWS) ئیسرائیلی بڵاویکردەوە، بڕیارە بە نێوەندگیریی ئەمریکا، لێپرسراوانی سوریا و ئیسرائیل لە پاریسی فەرەنسا کۆببنەوە، ئەوەش لەلایەک بۆ کۆتاییهێنان بە رێککەوتنی ئەمنی نێوانیان. لەلایەکیتریشەوە دانوستان دەکەن لەسەر ئەو پرۆژە ستراتیژیی و ئابورییە هاوبەشانەی كە بڕیارە لە ناوچە لەچەک داماڵێنراوەکانی نێوانیان، ئەنجامبدرێن.
سەرچاوەیەکی نزیک لە ئەحمەد شەرع سەرۆکی کاتی سوریا، کە قسەی بۆ کەناڵە ئیسرائیلییەکە کردووە دەڵێت: بەهۆی پابەندبوونی سوریا بە رێککەوتنی ئیبراهیمی لەگەڵ ئیسرائیل، پێشوەچوونی باش هەیە لە پێش کۆتایی ئەمساڵ باڵیۆزخانەی ئیسرائیل لە دیمەشق بكرێتەوە.
سوریا و ئیسرائیل رێککەوتنەکەیان هەڵدەوەشێننەوە
بەپێی هەواڵێکی میدیای ئیسرائیلی، جارێکیتر پاریسی فەرەنسا دەبێتەوە شانۆی کۆبوونەوەی لێپرسراوانی سوریا و ئیسرائیل، بەڵام ئەمجارە بۆ هەڵوەشاندنەوەی رێککەوتنەکەی نێوانیان.
No Comment! Be the first one.