چاویارنیوز ـــ ئامارە فەرمییەکان بۆ باشترین گۆڵکەرانی قاچی چەپی سەدەی 21 بڵاوکراونەتەوە کە “لیۆنێل مێسی” وەک هەمیشە لە لووتکەی یەکەمدا وەستاوە.
لەم ڕیزبەندییەدا مێسی پێشکەوتنێکی گەورەی هەیە بەسەر ڕکابەرەکانیدا بە 711 گۆڵ بە پێی چەپ. مەودایەک کە نەک تەنها توانای تەکنیکی دەردەخات بەڵکو بەرهەمێکی هەرمانە لە مێژووی تۆپی پێدا.
ڕیزبەندی پێنج یاریزانی یەکەم:
لیۆنێل مێسی، 711 گۆڵ
محەمەد سەڵاح، 184 گوڵ
کریستیانۆ ڕۆناڵدۆ، 179 گۆڵ
ئانتوان گریزمان، 154 گۆڵ
لوکاس پۆدۆلسکی، 122 گۆڵ
جێگەی سەرنجە کریستیانۆ ڕۆناڵدۆ سەرەڕای ئەوەی زۆرتر بە قاچی ڕاستی گوڵ تۆمار دەکات، بەڵام بە 179 گۆڵ بە پێی چەپەوە لە پلەی سێیەمی ئەم لیستەدایە کە لە زۆربەی یاریزانانی پێی چەپ شارەزاترە، ئەم ئامارە ڕەنگدانەوەی توانای هەمەچەشنی و توانای خۆگونجاندنی بێ هاوتای ئەو لە تۆمارکردنی گۆڵکردندا پیشان ئەدات.
ئەم ئامارە سەرسوڕهێنەرە رۆناڵدۆ لە سەرووی یاریزانە گەورەکانی قاچ چەپ وەک “گریزمان” و “پۆدۆلسکی” دادەنێت و نیشانی دەدات کە بۆچی دەبێت بە یەکێک لە کامڵترین یاریزانەکانی مێژووی تۆپی پێ دابنرێت.
جیاوازی بەرچاوی نێوان لیۆنێل مێسی و کەسی دووەمی ئەم لیستە توانای تەواوکردنی ناوازەی بە قاچی چەپی دەردەخات. ئامارێک کە لەوانەیە بۆ ساڵانی داهاتوو بێ گۆڕانکاری بمێنێتەوە!
No Comment! Be the first one.