چاویارنیوز ـــ فیلمی “ئاسک” لە دەرهێنانی “هوشەنگ گۆڵمەکانی” و بەرهەمهێنانی “جەواد نەۆروزبەیگی” و لە نووسین و ڕۆڵگێڕی “سێپیدە ئارمان”، لەلایەن دەستەی دادوەرییەوە وەک پاڵێوراو بۆ خەڵاتی نۆزدەهەمین فێستیڤاڵی نێودەوڵەتی جیهانی فیلمی ئەمریکا هەڵبژێردرا.
ئەم فیلمە پێشتر لە بیستەمین فێستیڤاڵی نێودەوڵەتی فیلمی کازان لە ڕووسیا خەڵاتی باشترین ئەکتەری بەدەستهێنابوو.
فیلمی “ئاسک” بەرهەمی ساڵی ٢٠٢٠تە و هەریەکە لە “عەلی مسفا”، “حامەد کومیلی”، “سۆهەیلا ڕەزەوی”، “ڕەزا یەزدانی”، “ڕەزا کیانیان” لە ئەکتەرەکانی دیکەی ئەم فیلمەن.
ئەم فیلمە پێشتر لە فێستیڤاڵە نێودەوڵەتییەکانی دیکەی وەک فێستیڤاڵی فیلمی مۆسکۆ، فێستیڤاڵی فیلمی ئاسیایی-ئەوروپی لەندەن (ECG)، فێستیڤاڵی فیلمی ئێرانی پراگ، دەیەمین فێستیڤاڵی فیلمی سریلانکا و بەشی کێبڕکێی سێیەمین فێستیڤاڵی جیهانی فیلم، لە شاری کۆلکەتا لە هیندستان بەشداری کردووە.
دامەزراوەی هونەری حەوتەم بەرپرسیارە لە دابەشکردنی جیهانی فیلمی “ئاسک”.
فێستیڤاڵەکە لە ٢٥ تا ٢٧ی ئەیلوولی ٢٠٢٥ لە ئەمریکا بەڕێوەدەچێت.
No Comment! Be the first one.