مۆندیالی ٢٠٣٤، دیاری “خزمەتکاری ئیسرائیل” بۆ سعودیە

چاویارنیوز ـــ میدیا ئەمریکییەکان ڕۆڵی سەرەکی سەرۆکی فیفایان ئاشکرا کرد لە میوانداریکردنی مۆندیالی ٢٠٣٤ لەلایەن سعودیەوە.

سعودیە 9 مانگ پێش ئێستا بەبێ ڕکابەر ئیزنی میوانداری مۆندیالی 2034ی پێبەخشرا. لەمبارەیەوە، ئەسۆشێتد پرێس ڕاپۆرتێکی سەبارەت بە “ڕۆڵی سەرەکی ئینفانتینۆ” لە نەهێشتنی کاندیدەکانی دیکە بۆ میوانداریکردنی مۆندیال بڵاوکردەوە.
سەرۆکی فیفا بە پشتیوانی ڕاستەوخۆی ڕژێمی زایۆنی تۆمەتبار دەکرێت، چونکە چاوپۆشی لە کوشتنی ٥٠٢ یاریزانی تۆپی پێی فەلەستینی دەکات و سێ جار لە کۆنگرەی فیفا ڕێگری لە دوورخستنەوەی تۆپی پێ ئیسرائیل کردووە.
لەیلا حامد ڕۆژنامەنووسی ڕۆژنامەی مارکا، بە هۆی پشتیوانیی سەرتاسەری ئینفانتینۆ لە ڕژێمی زایۆنیستی، سەرۆکی فیفای بە “خزمەتکاری ئیسرائیل” ناوزەد کرد.
فیفا لە مانگی تشرینی یەکەمی ٢٠٢٣ ڕایگەیاند کە مۆندیالی ٢٠٣٤ بۆ کیشوەری ئاسیا یان ئۆقیانووسیە تەرخان دەکرێت.
سعودیە بەخێرایی وەک تاکە کاندیدی جدی دەرکەوت، چونکە فیفا یاساکانی بەشێوەیەک دانا کە ڕکابەرییەکی ڕاستەقینەی تێدا نەبوو، دواجار سعودیە بووە میوانداری ئەم پاڵەوانێتییە وەرزشییە گەورەیە.
کەناڵی ESPN بڵاویکردەوە، فیفا بە ئەنقەست تەنها 25 ڕۆژی مۆڵەتی بە کاندیدەکان داوە بۆ ئەوەی پێشنیارەکانیان بۆ مۆندیالی 2034 پێشکەش بکەن، ئەمەش وایکردووە “کورتترین پەنجەرە لە مێژووی فیفادا بۆ هەڵبژاردنی میوانداری مۆندیال”.
بەگوێرەی ڕۆژنامەی ئیندیپێندنت، پەرلەمانی ئەوروپا هۆشداری داوە بە فیفا کە میوانداریکردنی سعودیە دەتوانێت مافەکانی مرۆڤ پێشێل بکات، بەڵام ئینفانتینۆ بەرگری لە میوانداری سعودیە دەکات و ڕایگەیاندووە، تۆپی پێ، جیهان یەکدەخات و ڕەخنەکانیشی بە ڕەگەزپەرستانە یان نادادپەروەرانە ناوبرد.
پەیوەندییەکانی جیانی ئینفانتینۆ لەگەڵ حکومەتی سعودیە لە وەرزشەوە تێدەپەڕێت، بەو پێیەی پەیوەندییەکی نزیکی لەگەڵ محەمەد بن سەلمان و دۆناڵد ترەمپ سەرۆکی ئەمریکا پەرە پێداوە و ئەو داوایەی سعودیەی بە “پەیامی یەکگرتوویی و گشتگیری” و “پەیامی گشتگیری” بۆ تۆپی پێ لە ڕۆژهەڵاتی ناوەڕاست ناوبردووە.
میگێل دیلانی، پەیامنێری ڕۆژنامەی ئیندیپێندنت دەڵێت: جیانی ئینفانتینۆ لە چوارچێوەی یاسادا مامەڵەی کردووە لە هەڵبژاردنی سعودیە، بەڵام گراهام دانبار، پەیامنێری ئەسۆشێتد پرێس دەڵێت: سەرۆکی یەکێتی تۆپی پێی ئەوروپا مەتەڵەکەی بە جورێک ڕێکخستووە بۆ ئەوەی سعودیە بەبێ ڕکابەر میوانداری مۆندیال بکات.
بەگوێرەی ڕۆژنامەی گاردیانی بەریتانی، دۆسیەی سەرۆکی فیدراسیۆنە وەرزشییە نێودەوڵەتییەکان کە کاریگەرییان لە بەرژەوەندی وڵاتێک یان تاکێکدا هەیە، دەتوانرێت لەلایەن دادگاکانی وەرزشی ئەوروپا و دادگای ناوبژیوانی وەرزشی (CAS)ەوە بەدواداچوونی بۆ بکرێت.