چاویارنیوز _ مەسعود عەبدولخالق نووسەر و چاودێری سیاسیلە باشووری کوردستان دەڵێت: ئێستا یەکێتی و پارتی خاوەن 39 کورسی بە 39 کورسین لە پەرلەمانی کوردستان، کەواتە یارییەکە بۆ پارتی قورسبووە و ئاسان نییە وەک جاران بتوانێت حکومەت پێکبهێنێت.
راشیگەیاند، کاتێک لە بەغداد لەگەڵ هەر سیاسییەک باسی حکومەتی هەرێم دەکەین، بە راستیی شەرمەزار دەبین، چونکە دەمێکە سەرۆک وەزیرانی هەرێمی کوردستان نەگۆڕاوە و هەر دووبارە دەبنەوە.
وتیشی، جێگەی رەخنەیە تائێستا تەنها دوو یان سێ کەس لەو پۆستەدا بینراون، بۆیە هەق وایە مەسرور بارزانی بگۆڕدرێت و کەسێکی نوێ ببێتە سەرۆک وەزیرانی هەرێمی کوردستان.
باس لەوەش دەکات، لە هەرێم چەندین کەسی تەکنۆکرات و ڕۆشنبیر هەن، لەسەر ئاستی نێودەوڵەتیش لەوان پەسەندکراوترن، با ئەوانە بکرێنە سەرۆک وەزیران.
داوای گۆڕینی مەسرور بارزانی دەکرێت
دوای ئەوەی ناکۆکییەکانی نێوان یەکێتی و پارتی قوڵتربووەو یەکێتی ئامادەنییە بەڵێ بۆ کابینەیەکی شکستخواردووی وەک کابینەی نۆیەم بکات، لەئێستادا داوادەکرێت پارتی مەسرور بارزانی وەک کاندیدیان بۆ پێکهێنانی حکومەت بگۆڕێت وەک نێت پاکییەک بۆ رێککەوتن
No Comment! Be the first one.