چاویارنیوز – لە وتووێژێکدا لەگەڵ هاوتا عێراقییەکەی، وەزیری دەرەوەی ئێران جەختی لە هەڵوێستە پرەنسیپییەکانی کۆماری ئیسلامیی ئێران لە پشتیوانیکردن لە ئاسایش، سەقامگیری و یەکپارچەیی خاکی عێراق و پێویستی وریایی لە بەرامبەر کردەوە تیرۆریستییەکان لەوان هێرشکردنە سەر نووسینگەی سەرۆکوەزیرانی هەرێمی کوردستان کردەوە.
فوئاد حسێن، وەزیری دەرەوەی عێراق لە پەیوەندییەکی تەلەفۆنیدا لەگەڵ سەید عەباس عێراقچی، وەزیری دەرەوەی کۆماری ئیسلامی ئێران سەبارەت بە دوایین پێشهاتەکانی ناوچەکە و پرسەکانی نیگەرانی هاوبەش تاوتوێ و بیروڕای ئاڵوگۆڕی کرد.
لەم وتووێژەدا عێراقچی بە ئاماژەدان بە هەڵوێستە پرەنسیپییەکانی کۆماری ئیسلامیی ئێران لە پشتیوانیکردن لە ئاسایش و سەقامگیری و یەکپارچەیی خاکی عێراق، جەختی لەسەر پێویستی وریایی لە بەرامبەر کردەوە تیرۆریستییەکان لەوان هێرشکردنە سەر نووسینگەی سەرۆکوەزیرانی هەرێمی کوردستانی عێراق و پیلانگێڕییەکان کە دەتوانێت زیان بە پەیوەندییە دۆستانە و برایەتییەکانی نێوان هەردوو وڵات بگەیەنێت.
لەم پەیوەندییە تەلەفۆنییەدا لایەنەکان جەختیان لە گرنگی پاراستنی ئاسایش و سەقامگیری سنوورە هاوبەشەکان و پێویستی پتەوکردنی هاوکاری و هەماهەنگی نێوان هەردوو وڵات بۆ پێشگرتن لە هەر جۆرە نائەمنی و هەڕەشەیەک بۆ سەر ئاسایشی سنوورەکان کردەوە.
No Comment! Be the first one.