چاویارنیوز _ بەپێی ئەو زانیارییانەی دەستکەوتوون، لە کۆتایی ئەم هەفتەیەدا وەفدێکی باڵای حکومەتی هەرێمی کوردستان بۆ چارەسەرکردنی کێشە داراییەکان و چەند پرسێکیتر لە نێوان هەرێمی کوردستان و حکومەتی عێراق، سەردانی بەغداد بکات و لەگەڵ فالح ساری وەزیری دارایی عێراق کۆببێتەوە.
ئەوەی زانراوە، وەفدی حکومەتی هەرێم دەیانەوێت پێشنیازێکی نوێ بدەن بە وەزیری دارایی عێراق، کە تایبەتە بە داهاتی ناوخۆی هەرێمی کوردستان، پێشنیازەکەش ئەوەیە کە عێراق بەگوێرەی ئەو داهاتەی لەبەردەستدایە مامەڵا لەگەڵ هەرێم بکات نەک مانگانە بڕێکی جێگیر داوابکات.
واتە، حکومەتی هەرێمی کوردستان %50ی داهاتی ناوخۆ دەبات و %50ی دیکەش بۆ حکومەتی عێراق دەنێرێت، بەڵام ئەمە تەنها لەلای هەرێم گەڵاڵە بووە و تائێستا حکومەتی عێراق لەبارەی ئەم پێشنیازەوە هیچی نەوتووە.
هەرێم پێشنیازی نوێ دەداتە بەغداد
بڕیارە وەفدێکی نوێ لە هەرێمی کوردستانەوە بچێتەوە بەغداد و پێشنیازی نوێ لە حکومەتی هەرێمەوە بۆ بەغداد ببەن
No Comment! Be the first one.