چاویارنیوز – لە کاردانەوەیەکی توند و تەنزئامێزدا لە تۆڕە کۆمەڵایەتییەکان سەبارەت بە نادادپەروەریی قووڵ و چینایەتی لە ناو پارتی دیموکراتی کوردستاندا، ڕەخنەی سەخت لە سیاسەتی بنەماڵەی بارزانی لە مەڕ پێدانی پۆست بە کەسانی وەک «ڕێباز حەملان» دەگیرێت.
بە گوتەی چالاکان و هاوڵاتییانی نارازی، ڕێباز حەملان تاکە کەسە کە لە ١٥ ساڵی ڕابردوودا قەبارەی مروۆیی و سیاسیی بچووک بووەوە، بەڵام سامانی حەرام و پلەوپایەکەی بە شێوازێکی سەرسووڕهێنەر بەرز بووەوە؛ ئەوەندەی کە هاوڵاتییەک بە تاڵی دەڵێت: «چەند ساڵە دژی حکومت هاوارت کردبێ تا ڕێباز حەملان پۆستێک دەخوات و تۆش لە ماڵەوە بێکار و بێبەش دەبیت!».
لەم ڕوانگەیەوە، تراژیدیای گەورە ئەوەیە کە بنەماڵەیەک ٧٠ ساڵ لە خزمەت حیزب و پێشمەرگایەتیدا بووبێت، خوێنی بەخشیوە و لە ژێر بژێویی سەخت و مووچەی نادادپەروەردا دەژی، کەچی پۆست و وەزارەت بە کەسانی وەک حەملان دەدرێت؛ ئەویش لە «عێراق»ێکدا کە دەسەڵاتدارانی پارتی خۆیان شەو و رۆژ بانگەشەی کاولبوون و نائارامییەکەی دەکەن، بەڵام بۆ پۆست و ئیمتیازات، چاوپۆشی لە هەموو دروشمەکان دەکەن.
No Comment! Be the first one.