چاویارنیوز _ جۆرجینیۆ ویناڵدۆم، یاریزانە هۆڵەندییە تەمەن 35 ساڵەکە، دوای تەواوبوونی گرێبەستەکەی لەگەڵ ئەلئیتفاق، بە گواستنەوەی بێ بەرامبەر پەیوەندی بە یانەی ئیتیحادەوە کرد. هەواڵەکان ئاماژە بەوە دەکەن کە گرێبەستەکەی لەگەڵ یانەی ئیتیحاد بۆ ماوەی ساڵێک دەبێت لەگەڵ بژاردەی درێژکردنەوەی بۆ وەرزێکی دیکە.
ویناڵدۆم کە پێشتر بۆ ماوەی سێ وەرز لە سعودیە یاری بۆ یانەی ئەلئیتفاق کردوە، لەم ماوەیەدا ئاستێکی بەرچاوی تۆمارکردووە و لە 101 یاریدا 38 گۆڵی تۆمارکردووە و 17 ئەسیستیشی بۆ تیپەکە پێشکەش کردووە. ئێستا دوای کۆتایی هێنان بە هاوکارییەکانی لەگەڵ ئەلئیتفاق، لە سعودیە دەمێنێتەوە و درێسی ئەلیتیحاد لەبەر دەکات.
یاریزانە هۆڵەندییەکە لە تیپگەلێک وەک فاینۆرد، ئایندهۆڤن، نیوکاسڵ، لیڤەرپوول، پاریس سانجێرمان و ڕۆما یاری کردووە، هەروەها یاریزانێکی سەرەکی بوو بۆ تیپەکەی یۆرگن کلۆپ لە ڕێگەی بردنەوەی نازناوی پرێمەرلیگ و چامپیۆنزلیگ لە ماوەی یاریکردنی لە لیڤەرپوولدا. هەروەها گواستنەوەی ئەو یاریزانە بەو مانایەیە کە دوای جێهێشتنی یانەی ئەلئیتفاق لە تۆپی پێی سعودیە دەمێنێتەوە، ئەمەش واتا ئەزموونە بەرفراوانەکەی لە خولی ئەو وڵاتەدا دەهێنێتە یانەی ئیتیحاد.
No Comment! Be the first one.