چاویارنیوز _ سەرەتای درەوشاوەیی ڕافینیا بۆ وەرزی نوێی لالیگا، ئەستێرە بەڕازیلییەکەی بەرشەلۆنەی گەیاندە ژمارەیەکی پێوانەیی کە زیاتر لە دە ساڵە تەنها ناوی لیۆنێل مێسی لە تەنیشتەوە دەبیسترا.
ڕافینیا لە سەرەتای وەرزی 2026/27 یەکێک بوو لەو یاریزانانەی کە زۆرترین ئامادەکاری بۆ یانەی بەرشەلۆنە کردبوو و دوای 4 هەفتە 6 گۆڵی لە لالیگا تۆمارکردووە. کاپتنی بەڕازیلی توانی لە هەر چوار یاریی تیپەکەیدا گۆڵ تۆمار بکات و ئێستا لە لیستی تایبەتدایە شانبەشانی لیۆنێل مێسی.
ڕافینیا وەرزەکەی بە دوو گۆڵ بەرامبەر ئێلچی دەستپێکرد، لە هەفتەی دووەمدا گۆڵێکی بەرامبەر ئەتلەتیک بلبائو تۆمارکرد و دواتر بە دوو گۆڵ بەرامبەر ڕایۆ ڤالیکانۆ ژمارەی گۆڵەکانی بۆ پێنج گۆڵ بەرز کردەوە. هەروەها لە یارییەکەی ئەم دواییەی بەرامبەر ڤالێنسیا بە ئەنجامی 5-0 گۆڵی بەرامبەری کردەوە و دوای چوار هەفتە گەیشتە ئاماری تۆمارکردنی شەش گۆڵ.
بەگوێرەی ئامارەکە، ڕافینیا تەنها دووەم یاریزانی سەدەی بیست و یەکە لە چوار یاری یەکەمی وەرزێکی لالیگادا لەگەڵ بەرشەلۆنە شەش گۆڵ تۆمار بکات. پێشووتر کەسێکی تر نەبوو جگە لە لیۆنێل مێسی؛ ئەستێرە ئەرجەنتینییەکە لە دوو وەرزی لەسەریەکدا ئەو کارەی کردبوو. مێسی لە وەرزی 2012/2013 لە چوار یاری یەکەمی لە لالیگا 6 گۆڵی تۆمارکرد؛ دوو گوڵ بەرامبەر ڕیال سۆسیداد، دوو گوڵ بەرامبەر ئۆساسۆنا و دوو گوڵیش بەرامبەر خیتافی. لە یارییەکەی بەرامبەر ڤالێنسیادا نەیتوانی گۆڵ تۆمار بکات.
No Comment! Be the first one.