حکومەتى عێراق مامەڵە داراییەکان دەکاتە ئەلیکترۆنى

چاویارنیوز _ حکومەتى عێراق بڕیاریداوە لە مانگى داهاتووەوە مامەڵە داراییەکان لە فەرمانگە فەرمییەکان بکاتە ئەلیکترۆنى.
ئەمڕۆ دووشەممە، نەبیل نەجار سەرۆکی دامەزراوەی پارەدانی ئەلیکترۆنیی عێراق ڕایگەیاند: لە 1ى تەموزی 2025وە لە دامەزراوەکانى عێراق مامەڵە بە پارەى کاش ناکرێت و پێویستە پارەدان بە کارتى ئەلیکترۆنى بێت.
راشیگەیاندووە، زیاتر لە 22 ملیۆن کارتى ئەلیکترۆنیى پارەدان لە عێراق هەن، ئەگەر هەیە لەگەڵ نزیکبوونەوەى 1ى تەموز ژمارەکە زیاتر بێت.
وتیشی: لە 18ى کانونى دووەمى 2023، حکومەتى عێراق بڕیاری دا مامەڵە داراییەکان لە پارەى کاشەوە بکرێنە پارەدانى ئەلیکترۆنى.