یەکێک لە کێشە باوەکانی هەناسەدان بەتایبەتی لە وەرزی سەرمادا، کۆکەی وشکە، کە هەندێک جار دەتوانێت تەواو بێزارکەر بێت. ئەوەی کە زۆر کەس بەدوایدا دەگەڕێن چارەسەری کۆکەی وشکە لە ماڵەوە بۆ ئەوەی زۆر بە خێرایی لەم ئازارە ڕزگاریان بێت. ئەم جۆرە کۆکەیە بەزۆری بێ بەڵغەمە و دەتوانێت نیشانەی هەستیاری، تووشی پەتا بوون، یان تەنانەت هەوای وشک بێت. خۆشبەختانە دەتوانرێت ئەم کێشە بێزارکەرە بە بەکارهێنانی چەند چارەسەرێکی ساکار لە ماڵەوە کۆنتڕۆڵ بکرێت.
باشترین چارەسەری کۆکە
بۆ زۆرێک لە نەخۆشیەکان پێویست ناکات سەردانی پزیشک بکەی یان دەرمانی قورس بخۆی، بەڵکوو دەتوانیت باشترین چارەسەر بۆ قورگ ئێشە لە ماڵەوە بەکاربهێنیت و زۆر بە خێرایی ڕزگارت بێت لەم ئازارە.
- بەکارهێنانی هەنگوین بۆ ئارامکردنەوەی قوڕگ
- خواردنەوەی شلەی گەرم و چای گیایی
- دوکەڵکرن و شێدارکردنی هەوا
- بەکارهێنانی زەنجەفیل و دارچین بۆ کەمکردنەوەی هەوکردن
- پشوودانی پێویست و بەرزکردنەوەی سیستەمی بەرگری لەش
- دوورکەوتنەوە لە هۆکارە وروژێنەرەکانی وەک دوکەڵ و تۆز
ئەگەرچی هۆکاری کۆکەش زۆر گرنگە و بەپێی هۆکارەکەی پێویستە شێوازی چارەسەرکردن بەکاربهێنریت. ئەگەر ئەم چارەسەرە ماڵییانە بە دروستی ئەنجام بدەیت، دەتوانیت دەستبەجێ نیشانە بێزارکەرەکان کەم بکەیتەوە. لە خوارەوە دەتوانن فێری چۆنیەتی ئەنجامدان یان بەکارهێنانی هەریەکەیان ببن.
بەکارهێنانی هەنگوێن بۆ هێورکردنەوەی قورگ ئێشە
هەنگوێن یەکێکە لە کۆنترین و کاریگەرترین ڕێگاکان بۆ نەهێشتنی ئازاری کۆکەی وشک. ئەم ماددە سروشتییە تایبەتمەندی دژە هەوکردن و دژە بەکتریای هەیە و دەتوانێت یارمەتی هێورکردنەوەی قورگ و کەمکردنەوەی خوران بدات. کاتێک قورگت وشک دەبێت، کەوچکێک هەنگوێن دەتوانێت وەک چینێکی پارێزەر کار بکات و خوران و هەستی سووتانی قورگ کەم بکاتەوە.
باشترە وایە هەنگوێن بە شێوەی پاکی خۆی بخورێت یان لەگەڵ کەمێک ئاوی گەرم و چەند دڵۆپێک ئاوی لیمۆ تێکەڵ بکرێت بۆ ئەوەی کاریگەری زیاتری هەبێت. هەروەها خواردنەوەی چای گیایی لەگەڵ هەنگوین دەتوانێت پرۆسەی چاکبوونەوەی کۆکەی وشک خێراتر بکات. تەنها شتێک کە پێویستە لەبەرچاوی بگریت ئەوەیە کە هەنگوێن بۆ منداڵانی تەمەنی خوار یەک ساڵ پێشنیار ناکرێت.
شەربەتی هەوشین
یەکێک لە ساکارترین دەوا گیاییەکان بۆ چارەسەری کۆکە، شەربەتی هەوشینە. هەوشین تایبەتمەندی دژە هەوکردن و دژە بەڵغەمی هەیە و دەتوانێت داگیراوی و وشکبوونی قوڕگ کەم بکاتەوە. خواردنی بەردەوامی ئەم شەربەتە بەتایبەت لە شەواندا یارمەتی کەمکردنەوەی کۆکە دەدات و یارمەتیت دەدات باشتر بخەویت. باشتر وایە ئەم شەربەتە هەر ٦ کاتژمێر جارێک وەکو غەرغەرە و خواردنەوە بەکاربهێنرێت. ئەم شەربە تەواو سروشتیە و شێوازێکی چارەسەری تەواو بێ زیانە.
خواردنی شلەمەنی گەرم و چای گیایی
شلەمەنی گەرم وەک چای سەوز، چای بەیبوون، یان چای زەنجەفیل یارمەتی ئارامکردنەوەی قوڕگت دەدات و دەبێتە هۆی کەمکردنەوەی وروژاندنێک کە بە بەهۆی کۆکەی وشکەوە دروست دەبێت. ئەگەر دەستت بە چای گیایی نەگەیشت، دەتوانیت چای ئاساییش بەکاربهێنیت بۆ ڕێگریکردن لە وشکبوونەوەی قوڕگ. ئەم خواردنەوانە شێی پێویست بۆ قوڕگت دابین دەکەن و نیشانەکانی کۆکە کەم دەکەنەوە.
هەروەها بخوێنەوە: لێدانی دڵی ئاسایی مرۆڤ چەندە
خواردنەوەی چەند پەرداخێک بە درێژایی ڕۆژ دەبێتە هۆی خێراکردنی پرۆسەی چاکبوونەوە. هەوڵبدە بە بەردەوامی ئەم کارە بکەیت بۆ ئەوەی قوڕگت نەرم بێت و دوور بێت لە وشکبوونەوە. ئەگەر دەتەوێت کاریگەرتر بێت باشتر وایە چای گیایی بەبێ شەکر و هەنگوێن بەکاربهێنیت.
شێدارکردنی هەوا
یەکێک لە هۆکارە سەرەکییەکانی خراپتربوونی کۆکەی وشک بریتییە لە وشکبوونەوەی هەوا و خورانی کۆئەندامی هەناسەدان. شێدارکردنەوە بە ئاوی گەرم یان بەکارهێنانی ئامێری شێدارکەرەوە دەبێتە هۆی شێداربوونی هەوا و قوڕگت کەمتر وشک دەبێت و تووشی هەوکردن دەبێت. شێی پێویست لە هەوادا یارمەتیدەر دەبێت بۆ نەرمکردنی کۆئەندامی هەناسەدان و کەمکردنەوەی خورانی بەهۆی کۆکەوە.
ئەگەر ئامێری شێدارکەرەوەت نییە، دەتوانیت مەنجەڵێک ئاو بخەیتە سەر ئاگر و پاش کۆڵانی هەڵمەکەی هەڵمژی. تەنانەت دەتوانیت لەناو حەمامێکی گەرمدا بوەستیت چونکە ئەو هەڵمەی کە دروست دەبێت یارمەتی ئارامکردنەوەی قوڕگت دەدات. ئەم شێوازە تا ڕادەیەک کاریگەرە، بەتایبەتی شەوانە پێش خەوتن، هەروەها دەبێتە هۆی کەمکردنەوەی کۆکەی وشک.
زەنجەفیل و دارچین
زەنجەفیل و دارچین هەردووکیان تایبەتمەندی دژە هەوکردن و ئارامکەرەوەیان هەیە و یارمەتی هێورکردنەوەی ئازاری قورگ دەدەن. خواردنەوەی چای زەنجەفیل یان زیادکردنی تۆزێ پاودری دارچین بۆ خواردنەوە گەرمەکان یارمەتیدەرە بۆ کەمکردنەوەی توندی کۆکەی وشک. هەروەها ئەم تێکەڵە سروشتییە یارمەتی بەرزکردنەوەی سیستەمی بەرگری لەش و خێراکردنی پرۆسەی چاکبوونەوە دەدات.
دووری لە هۆکارە وروژێنەرەکان، لەوانە دوکەڵ و تۆز
هەندێک جار بەرکەوتن بە دوکەڵی جگەرە، تۆز، بۆنی بەهێز، یان تەنانەت پیسبوونی هەوا دەبێتە هۆی کۆکەی وشک. لەم حاڵەتانەدا باشتر وایە شوێنی ژیانت یان شوێنی کارەکەت بە پاک و خاوێنی و دوور لە پیسبوون بهێڵیتەوە. ئەگەر پێویست بوو دەمامک بەکاربهێنە بۆ ئەوەی خۆت لە هەوای پیس بپارێزیت. ژینگەیەکی تەندروست و دوور لە دوکەڵ و تۆز، ئەو دەرفەتە ئەداتە جەستە کە زووتر چاک بێتەوە.
هۆکاری کۆکە چییە؟
کۆکەی وشک کێشەیەکە کە بە هۆکاری جۆراوجۆر ڕوودەدات و ئەگەر هۆکارەکەی دەستنیشان نەکرێت ئەوا چارەسەرکردنی قورستر دەبێت. لە زۆر حاڵەتدا بارودۆخی ژینگەیی، نەخۆشییە سادەکان، یان تەنانەت بەکارهێنانی هەندێک دەرمانیش دەتوانن هۆکار بن بۆ سەرهەڵدانی کۆکەی وشک. هەندێک لە هۆکارە سەرەکییەکانی کۆکەی وشک بریتین لەمانەی خوارەوە.
- هەستیاری(Allergies) و هەستیاری وەرزی
- پەتا یان ئەنفلۆنزا
- هەوای زۆر وشک
- بەرکەوتن بە دوکەڵی جگەرە یان پیسبوونی هەوا
- گەڕانەوەی ترشی گەدە( HCl) بۆ سورێنچک (GERD)
- خواردنی هەندێک دەرمان، وەک دەرمانی پەستانی خوێن
وەک دەبینین هۆکارەکانی کۆکە زۆر جیاوازن، لە هەوای وشکەوە تا نەخۆشیەکانی هەرس یان کاریگەری لاوەکی دەرمان، بۆیە گرنگیدان بە بارودۆخی ژینگەیی و شێوازی ژیان ڕۆڵێکی گرنگی هەیە لە کەمکردنەوەی ئەم کێشەیە و ئەگەر کۆکە بەردەوام بوو، زۆر پێویستە ڕاوێژ لەگەڵ پزیشک بکرێت.
کاتێک تووشی کۆکەی وشک بووی دەبی چی بکەیت؟
کۆکەی وشک کێشەیەکە کە زۆربەی زۆرمان تووشی بووین، هەندێکجاریش دەتوانێت ئەوەندە بێزارکەر بێت کە ژیانی ڕۆژانە تێکدەدات. باشترین ڕێگا ئەوەیە سەرەتا چارەسەری سادەی ماڵەوە تاقی بکەیتەوە بۆ چارەسەری کۆکەی وشک، لەوانە خواردنی هەنگوێن و خواردنەوەی چای گیایی و شیدارکردنی هەوا و دوورکەوتنەوە لە ماددە وروژێنەرەکان دەتوانن بە خێرایی نیشانەکانی کۆکە کەم بکەنەوە.
ئەگەر سەرەڕای ئەم ڕێگایانە، کۆکەی وشک بەردەوام بوو یان توندتر بوو، باشتر وایە سەردانی پزیشک بکەیت بۆ دیاریکردنی هۆکاری بنەڕەتی و وەرگرتنی چارەسەری تایبەتمەند. لە کۆتاییدا، تێکەڵەیەک لە چاودێریکردنی ماڵەوە و چاودێری پزیشکی دەتوانێت کاریگەرترین ڕێگە بێت بۆ چارەسەرکردنی کۆکەی وشک.
No Comment! Be the first one.