“خواژن” گەیشتە فێستیڤاڵی نێودەوڵەتی ژینگە و مافی مرۆڤی ECOCINE لە بەرازیل

چاویارنیوز ـــ کورتە فیلمی دیکۆمێنتاری کوردی”خواژن” گەیشتە 33هەمین خولی فێستیڤاڵی نێودەوڵەتی ژینگە و مافی مرۆڤی ECOCINE لە بەرازیل.

کورتە فیلمی دیکۆمێنتاریی کوردی”خواژن ” لە بەرهەمهێنانی پویا تالەبنیا و لە دەرهێنانی حەدیس مورادی و پەریسا عەبدوڵڵاهی، گەیشتە 33هەمین خولی فێستیڤاڵی نێودەوڵەتی ECOCINE، ژینگە و مافەکانی مرۆڤ لە بەرازیل.

ئەم فێستیڤاڵە ٣٣ ساڵەیە، یەکێکە لە کۆنترین ڕووداوە سینەماییەکانی جیهان لە بواری ژینگە و مافی مرۆڤدا، ئەمساڵیش، هاوکات لەگەڵ COP30 (ئەم کۆنفرانسە سەکۆیەکە بۆ سەرکردەکانی جیهان، زانایان، چالاکوانان و هتد بۆ کۆبوونەوە بۆ بەهێزکردنی هاوکارییە نێودەوڵەتییەکان و خێراکردنی ڕێوشوێنە پێویستەکان بۆ ڕووبەڕووبوونەوەی تەحەدای جیهانی گۆڕانی کەشوهەوا) لە تشرینی دووەمی ٢٠٢٥ لە شارەکەدا بەڕێوەدەچێت لە شاری بێلم لە بەڕازیل و بە شێوەیەکی تێکەڵاو (بە شێوەی کەسی و ئۆنلاین).

کورتە فیلمی دیکۆمێنتاریی “خواژن” کە بڵاوکردنەوەی نێودەوڵەتییەکەی لەلایەن “سۆڵماز ئێعتماد” بەڕێوەدەبرێت، ڕێوڕەسمی دێرینی پارێزگای کوردستان لە میراتی جیهانی هۆرامان دەگێڕێتەوە، کە خەڵکی ئەم خاکە هەزاران ساڵە پاراستوویانە.