چاویارنیوز _ قاسم عەلی رۆژنامەنووس باس لەوە دەکات، بەپێی ئەو قسانەی کە بافڵ تاڵەبانی سەرۆکی یەکێتیی نیشتمانیی کوردستان لە دیداری مێری لە هەولێر کردی، شتێک لەنێوان یەکێتی و پارتی نییە بەناوی نزیکبوونەوە و کۆبوونەوە، بۆیە یەکێتی و پارتی ئەگەر دانیشتنیش بکەن رێکناکەوت و نێوانیان زۆرە
راشیگەیاندووە، بافڵ تاڵەبانی بە روونی ئەوەی ئاشکراکرد کە تەنازوول لە ماف و پشکی حزبەکەی ناکات بۆ پارتی و باڵێکی ناو پارتی کە نایانەوێت رێککەوتن بکات لەگەڵ یەکێتی.
ئەو رۆژنامەنووسە ئاماژە بەوە دەکات، دوای دوو ساڵ لە هەڵبژاردن و پێکنەهێنانی حکومەت، جارێکیتر سەرۆکی یەکێتی هەموو شتێکی بردەوە سەرەتای یارییەکە و هەمان هەڵوێستی دوو ساڵ پێش ئێستای یەکێتی پیشانداین کە ئەگەر یەکێتی ئیمزای رێککەوتن و پێکهێنانی کابینەی نوێی حکومەت نەکات، ئەوا حکومەت دروست ناکرێت و پێکناهێنرێت.
یەکێتی و پارتی ئەگەر دانیشتنیش بکەن رێکناکەون و نێوانیان زۆرە
رۆژنامەنووسێک دەڵێت: ئەو پەیامەی بافڵ تاڵەبانی لە دیداری مێری ئاراستەی پارتی کرد، کێشەکانی روونکردەوە و سەرەداو و ئاسۆی هیچ رێککەوتنێک ناهێڵێتەوە لەنێوان ئەو دوولایەنەدا.
No Comment! Be the first one.