چاویارنیوز _ سەرەڕای قەیرانی دارایی سەخت، ئەلنەسر لەسەر داوای ڕۆناڵدۆ هەنگاوێکی سەیر و سەمەرەی ناوە.
ئەلنەسر، کە لەم ڕۆژانەدا بووەتە یانەیەکی خاوەن قەیرانی دارایی، بەڵام بە پێداگریی ڕۆناڵدۆ شەوی ڕابردوو، بڕێکی فەلەکی خەرج کرد بۆ کڕینی سامۆ کۆستا، یاریزانە پورتوگالییەکەی مایۆرکا، بۆ ئەوەی هەموو بودجەی خۆی بکاتە قوربانی بۆ یاریزانێک.
ئەو تێچووەی کە ئەلنەسر بۆ کڕینی ئەم یاریزانە ئاساییە پورتوگالییە خەرجی کرد، بەقەد مووچەی ساڵانەی مێسی لە ئەمریکایە.
کۆستا لە ژیانی وەرزشیدا تەنها ٦ یاری نێودەوڵەتیی ئەنجامداوە و لە مۆندیالی ٢٠٢٦دا یاریزانی یەدەگی هەڵبژاردەی پورتوگال بووە.
هەفتەی ڕابردوو یانەی ڕیاز ڕاپۆرتێکی لەسەر قەیرانی دارایی سەختی یانەی نەسر بڵاوکردەوە، ئەمەش وایکردووە دوو مانگ پێش ئێستا نەتوانێت مووچەی یاریزانەکانی بدات.
پڕۆژەی بن سەلمان بۆ ڕاکێشانی ئەستێرە بیانییەکان وەستاوە و بەگوتەی ئەلعەرەبیە، سندوقی وەبەرهێنان، بودجەی یانەکانی تۆپی پێی کەمکردووەتەوە.
بەگوێرەی ئەلریازیە،لە ناوەڕاستی ئەو قەیرانە داراییە سەختەدا، یانەی نەسر بڕی 42 ملیۆن یۆرۆی خەرج کردووە بۆ کڕینی ئەم یاریزانە ئاساییە، .
ڕۆژنامەی ئەلشرق ئەلئەوسەت ئاشکرای دەکات، کڕینی کۆستا لەسەر داوای ڕۆناڵدۆ بودجەی ئەلنەسری تەواو کردووە و ئیتر ڕێگە بە یانەکە نادرێت لە هاویندا یاریزانی نوێ بگوازێتەوە.
ئەلنەسر دەیتوانی بەم بودجەیە 4 یاریزانی بیانی بگوازێتەوە، بەڵام لەسەر پێداگری ڕۆناڵدۆ هەموو بودجەی خۆیان بۆ کڕینی یاریزانێکی ئاسایی خەرج کرد.
No Comment! Be the first one.