چاویارنیوز _ لەبارەی ئەو دەنگۆیانەی کە باس لە گەندەڵیی دەکات لە دیارنەمانی نیو ملیار دۆلار کۆمەکی غەززە، عەلی قەرەداغی سەرۆکی یەکێتیی جیهانیی زانایانی موسڵمان (کە بە ڕێکخراوێکی نزیک لە ئیخوان دادەنرێت)، هەوڵی خۆدزینەوە دەدات لەو تۆمەتانە. بۆیە قەرەداغی بانگەشەی ئەوە دەکات کە ڕێکخراوی “وقف الامة” کە پارەکەی کۆکردووەتەوە، وێنەی ئەوی بەبێ ڕەزامەندی بەکارهێناوە و ئەو پێشوەختە داوای لابردنی کردووە.
لەئێستادا، ململانێ لەنێوان خودی ئەو ڕێکخراوە و بزووتنەوەی حەماسدا هەیە، کە ئەمەش کێشە و ململانێی نێوخۆیی باڵە جیاوازەکانی ئیسلامیی سیاسی لەسەر کۆمەک و دارایی دەردەخات.
عەلی قەرەداغی ڕوونکردنەوە لەسەر دیارنەمانی نیو ملیار دۆلاری غەززە دەدات
لەبارەی دیارنەمانی بڕی نیو ملیار دۆلار، لەو بڕە پارەیەی کە وەک هاوکاریی بۆ هاووڵاتیانیی غەززە کۆکرابووەوە، سەرۆکی یەکێتیی جیهانیی زانایانی موسڵمان ڕایگەیاند: ڕێکخراوی "وقف الامة" وێنەی ئەوی بەبێ ڕەزامەندی بەکارهێناوە.
No Comment! Be the first one.