دابەشکردنی مووچە بە دۆلار کارەساتە

چاویارنیوز _ نەبیل مەرسوومی شارەزای ئابووریی عێراقی، باس لەوەدەکات، یەدەگی بیانی، پارەی حازر نییە لەبەردەست وەزارەتی دارایی بۆ دابەشکردنی مووچە، بەڵکو سامانێکی دەرەکییە و بانکی ناوەندی بۆ جێگیرکردنی نرخەکان، پاراستنی بەهای دراو و دابینکردنی پارەی هاوردەکردن، بەکاریدەهێنێت
ئەو شارەزایە پێیوایە، ئەگەر مووچە بە دۆلار دابەش بکرێت، یەدەگی نەختینەیی بانکی ناوەندی کە بە 76 ملیار دۆلار مەزەندە دەکرێت، تەنیا لە ماوەی هەشت مانگدا کۆتایی دێت، چونکە پارەدارکردنی هاوردەکردن و مووچە پێکەوە مانگانە پێویستی بە 10 ملیار دۆلار دەبێت، دەبێتە هۆی بەردەوامیی بازرگانیپێکردن و گەورەتربوونی بۆشایی لەنێوان نرخی فەرمی و نرخی بازاڕی رەش، هاوکات سەروەریی نیشتمانیی دراوەکەش دەخاتە مەترسییەوە.