چاویارنیوز – ئەنجومەنی باڵای دادوەری عێراق، ئەمڕۆ دووشەممە ڕایگەیاند کە لێکۆڵینەوەکان لەگەڵ تۆمەتباری دەستبەسەرکراو، عەلی مەعارج سوێدج بەهادلی، بریکاری وەزیری نەوت بۆ کاروباری دابەشکردن، بووەتە هۆی دەستبەسەرداگرتنی بڕە پارەیەک کە گەیشتووەتە ١١ ملیۆن دۆلار و ٤ ملیار دیناری عێراقی.
ڕاگەیاندنی دادوەری لە ڕاگەیەندراوێکدا کە دەستی ئاژانسی هەواڵی عێراقی (INA) کەوتووە، ئاماژەی بەوە کردووە: “دادوەرانی لێکۆڵینەوەی دادگای تاوانەکانی دژایەتیکردنی گەندەڵیی ناوەندی، ڕوونی کردووەتەوە کە لێکۆڵینەوە سەرەتاییەکان لەگەڵ تۆمەتباری دەستبەسەرکراو عەلی مەعارج سوێدج بەهادلی، بریکاری وەزیری نەوت بۆ کاروباری دابەشکردن، بووەتە هۆی دەستبەسەرداگرتنی بڕە پارەیەک کە گەیشتووەتە ١١ ملیۆن دۆلار و ٤ ملیار دیناری عێراقی، سەرەڕای ئەوەش دەست بەسەر چەندین خانوو و بەرەدا (عەقارات) گیراوە”.
دادوەرە پسپۆڕەکە زیاتری خستەڕوو کە “لێکۆڵینەوەکان تا ئێستاش بەردەوامن”.
١١ ملیۆن دۆلار لە ماڵی بریکارێکی وەزارەتی نەوتی عێراق دەستی بەسەرداگیرا
لێکۆڵینەوە سەرەتاییەکان لەگەڵ تۆمەتباری دەستبەسەرکراو عەلی مەعارج سوێدج بەهادلی، بریکاری وەزیری نەوت بۆ کاروباری دابەشکردن، بووەتە هۆی دەستبەسەرداگرتنی بڕە پارەیەک کە گەیشتووەتە ١١ ملیۆن دۆلار و ٤ ملیار دیناری عێراقی.
No Comment! Be the first one.