چاویار نیوز – بەپێی ڕاپۆرتێکی شیکاریی ئەنجومەنەکە کە کەناڵی RT بڵاویکردووەتەوە، پێنتاگۆن لە ژێر پەردەی ئەو ئاگربەستە دوو هەفتەییەی لە ٨ی ئەم مانگەوە دەستیپێکردووە، خەریکی بەهێزکردنی بێوێنەی هێزەکانیەتی لە ناوچەکەدا. ئامارەکان ئاماژە بەوە دەکەن کە ئێستا ٥٠ هەزار سەربازی ئەمریکی، بە پاڵپشتی ٥٠٠ فڕۆکەی جەنگی و ٢٠ کەشتیی جەنگی لە ناوچەکەدان. چاوەڕوانیش دەکرێت بە گەیشتنی کەشتییە فڕۆکەهەڵگرەکانی وەک “جۆرج بوش” و “بۆکسەر” لە کۆتایی ئاگربەستەکەدا، توانای هێرشبەری و هەواڵگریی واشنتۆن بگاتە لوتکە.
ڕوسیا: ئەمریکا و ئیسرائیل ئاگربەست وەک دەرفەتێک بۆ هێرشکردنە سەر ئێران بەکاردەهێنن
ئەنجومەنی ئاسایشی ڕوسیا هۆشدارییەکی توند دەدات و ڕایدەگەیەنێت کە ویلایەتە یەکگرتووەکانی ئەمریکا و ئیسرائیل، دانوستانەکانی ئاشتی و ئاگربەستی ئێستا تەنها وەک "کڵاوڕۆژنەیەکی ستراتیژی" بەکاردەهێنن بۆ ئامادەکاریی و دەسپێکردنی پڕۆسەیەکی سەربازیی زەمینیی بەرفراوان دژ بە ئێران.
No Comment! Be the first one.