عێراق چاوی لە بۆرییەکی نوێی نەوتە

چاویارنیوز _ کۆمپانیای نەوتی باکوور رایگەیاند، لێژنە وەزارییەکان دەستیان بە ئامادەکردنی نەخشە و هێڵکارییەکان کردووە بۆ پڕۆژەی دروستکردنی هێڵی بۆریی نەوتی بەسرە–حەدیسە–بانیاس–فیشخابوور، کە توانای هەناردەکردنی 2 ملیۆن بەرمیل نەوتی لە رۆژێکدا هەیە 1ملیۆن بەرەو سوریا و 1 ملیۆن بەرەو تورکیا، درێژیی هێڵەکە 1,000 کیلومەتر بە تیرەی 56 ئینچ و رێڕەوی هێڵەکە، لە بەسرەوە بۆ حەدیسە، لەوێشەوە دابەش دەبێت بۆ دوو ئاڕاستە.
نەوتی ئەم هێڵە، بەشێکی بەرەو بەندەری بانیاس لە سوریا و بەشێکیشی بەرەو هێڵی عیراق_تورکیا لە فیشخابوور، ماوەی جێبەجێکردنی، لە نێوان 24 تا 48 مانگی پێویستە بۆ تەواوکردنی.