چاویارنیوز _ بەڕێوەبەرانی ڕیاڵ مەدرید پلانیان هەیە لە ساڵی ٢٠٢٧دا یەکێک لە خاڵە لاوازە گرنگەکانی پێکهاتەکەیان چارەسەر بکەن بە وەرگرتنی یاریزانێکی پلە یەک، تەنانەت ئەگەری تەرخانکردنی بودجەی ١٢٠ ملیۆن یۆرۆیی بۆ ئەم گواستنەوەیە هاتۆتە ئاراوە.
سەرەڕای وەبەرهێنانە بەرچاوەکانی یانەی ڕیال مەدرید لەم ساڵانەی دواییدا، هێشتا هێڵی ناوەڕاستی تیپەکە یەکێکە لە نیگەرانییە سەرەکییەکانی بەڕێوەبەرانی یانەکە. ڕۆیشتنی تۆنی کرۆس و لۆکا مۆدریچ وایکردووە یانەکە بەشێک لە تواناکانی لەدەست بدات بۆ کۆنترۆڵکردنی ڕەوتی یارییەکان و بەڕێوەبردنی ڕیتمی یارییەکە؛ پرسێک کە ئێستا فلۆرێنتینۆ پێرێز و بەڕێوەبەرانی تری یانەکانی ناچار کردووە بیر لە بژاردەی نوێ بکەنەوە بۆ بەهێزکردنی ئەم بوارەی یاریگاکە.
فابریزیۆ ڕۆمانۆ لەمبارەیەوە ڕایگەیاندووە، یانەی ڕیال مەدرید پلانێکی دیاریکراوی هەیە بۆ دامەزراندنی لانیکەم یاریزانێکی نوێی ناوەڕاست لە ساڵی 2027دا، هەرچەندە ئەگەری چالاکییەکانی یانەکە لە پەنجەرەی زستانی مانگی یەکدا ڕەتناکرێتەوە، بەڵام پێدەچێت بەڕێوەبەرانی یانەی ڕیال مەدرید پێیان باشترە لە هاوینی داهاتوو کڕینی سەرەکی خۆیان بکەن، ئەو کاتەش کاتێکی زیاتریان دەبێت بۆ دانوستان و گەڕان بەدوای بژاردەی جیاوازدا.
پلانی یانە ئیسپانییەکە تەنها بە ڕاکێشانی یاریزانی نوێ سنووردار نییە، هەروەها مانەوەی یاریزانانی ئێستاش گرنگییەکی زۆری هەیە. لەمبارەیەوە یانەی ڕیال مەدرید گەیشتووەتە ڕێککەوتن بۆ درێژکردنەوەی گرێبەستەکەی ئاردا گولەر و هەروەها دۆخی گرێبەستەکەی ئۆرێلیەن شوامێنیشی ڕوونکردووەتەوە. جگە لەوەش دانوستانە سەرەتاییەکان بۆ درێژکردنەوەی گرێبەستی جود بێلینگهام لە کارنامەی یانەکەدایە بۆ دەستەبەرکردنی داهاتووی یاریزانێکی دیکەی گرنگی هێڵی ناوەڕاست.
No Comment! Be the first one.