ئەگزیما یەکێک لە نەخۆشینە باوەکانی پێستە کە بەزۆری لەگەڵ وشکبوونەوە، سووربوونەوە، هەوکردن، خوراندن، یان هەندێکجار ویشکی لەڕادەبەدەر لەسەر پێست درووست دەبێت. ئەم حاڵەتە لە هەر تەمەنێکدا دروست دەبێت و هەندێک جار بۆ ماوەیەکی زۆر بەردەوام دەبێت. ئەگزیما درمی نییە و لە کەسێکەوە بۆ کەسێکی تر ناگوازرێتەوە.
لە زۆربەی حاڵەتەکاندا ناتوانرێت هیچ هۆکارێکی دیاریکراو وەک تاکە هۆکاری نەخۆشییەکە دەستنیشان بکرێت. تێکچوونی بەربەستی پارێزەری پێست، هۆکارە بۆماوەییەکان، چالاکیی سیستەمی بەرگری و بەرکەوتن لەگەڵ هەندێک مادەی وروژێنەر دەتوانێت ڕۆڵی هەبێت لە هۆکاری پێکهاتنی یان توندکردنەوەی ئەگزیما.
هەروەها چارەسەری ئەو نەخۆشییە بەندە بە جۆر و توندی نەخۆشییەکەوە. بەکارهێنانی بەردەوامی شێدارکەرەوەی گونجاو و چاودێریکردنی پێست و دوورکەوتنەوە لە ماددە وروژێنەرەکان بەشێکی گرنگی چارەسەرکردنن و ڕەنگە دەرمانی ناوچەیی بۆ کەمکردنەوەی هەوکردن و خوراندن بنوێنرێت.
لەم بەشەی خوارەوەدا بەدواداچوون بۆ هۆکارەکانی ئەگزیما و نیشانەکان و هۆکارەکانی توندکردنەوەی و نوێترین ڕێگاکانی چارەسەرکردنی ئەگزیما دەکەین بۆ ئەوەی بتوانیت کۆنتڕۆڵی بکەیت.
جۆرەکانی ئەگزیما و هۆکارەکانی
ئەگزیما چەند جۆرێکی جیاوازی هەیە، گرنگترینیان بریتین لە ڤەریدی، سبورەیی، سکەیی، ئەتۆپیک و بەرکەوتن. نەخۆشییەک کە بەزۆری بەهۆی هۆکاری جۆراوجۆرەوە دروست دەبێت و هەمیشە ناتوانرێت هۆکارێکی دیاریکراوی بۆ بدۆزرێتەوە. گرنگترین ئەو هۆکارانەی کە دەتوانن ڕۆڵیان هەبێت لە دروستبوون یان توندکردنەوەی ئەگزیما بریتین لە:
- ژێنێتیک و مێژووی خێزان
- وشکبوونی پێست
- پاککەرەوە و ماددە کیمیاییەکان
- هەستیاری
- گۆڕانی کەش و هەوا
- سترێس
- ئارەقکردنی زۆر
- هەندێک کێشەی سیستەمی بەرگری لەش
ئەم هۆکارانە دەبنە هۆی وشکبوون و هاندەری پێست و ئەگەری تووشبوون بە ئەگزیما لەو کەسانەدا زیاد دەکات کە پێستیان هەستیارترە. بێگومان ئەگزیما دەتوانێت لە کەسێکیشدا گەشە بکات کە هۆکارێکی دیاریکراوی نەبێت.
ئایا ئەگزیما چارەسەر دەکرێت؟
بەڵێ ئەگزیما دەتوانرێت کۆنتڕۆڵ بکرێت و چارەسەر بکرێت، بەڵام لە هەندێک کەسدا ڕەنگە دووبارە سەرهەڵبداتەوە. ئامانجی چارەسەرکردنیش کەمکردنەوەی هەوکردنی پێست و ڕێگریکردنە لە گەڕانەوەی نیشانەکانی. شێوازەکانی چارەسەری ئەگزیما بەپێی جۆر و توندییەکەی هەڵدەبژێردرێن.
شێدارکەرەوە بەکاربهێنە
هێشتنەوەی پێست بە شێداری یەکێکە لە گرنگترین کارەکان بۆ کۆنترۆڵکردنی ئەگزیما. بەکارهێنانی بەردەوامی کرێم یان مەڵهەمێکی شێدارکەرەوە، وشکبوونی پێست کەمدەکاتەوە.
هەروەها بخوێنەوە: سوودەکانی ڤیتامین A و باشترین ڕێگای بەکارهێنانی
دەرمانی ناوچەیی
بۆ کەمکردنەوەی هەوکردن و خوراندی پێست، بە ئەگەرێکی زۆرەوە پزیشکەکەت دەرمانی ناوچەیی یان ناستیرۆیدی دەنوێنێت. جۆری دەرمانەکە و ماوەی بەکارهێنانی بەندە بە توندی ئەگزیماکەتەوە و ناوچەی پێستی تووشبوو.
دوورکەوتنەوە لە هۆکارە هاندەرەکان
ئەگەر ماددەیەک یان حاڵەتێکی دیاریکراو دەبێتە هۆی هەڵگیرسانی ئەگزیماکەت، دوورکەوتنەوە لێی دەتوانێت یارمەتیدەر بێت لە کەمکردنەوەی نیشانەکان. هۆکارەکانی وەک بەکارهێنانی پاککەرەوەی سووک یان بەرکەوتن لەگەڵ ماددە کیمیاییەکان و دوورکەوتنەوە لە بەکارهێنانی ئاوی زۆر، یارمەتیدەرن بۆ چارەسەرکردنی حاڵەتەکە.
چارەسەری تیشکی
لە هەندێک کەسدا کە ئەگزیمایان بەرفراوانە یان بە چارەسەری ئاسایی بە باشی کۆنترۆڵ نابێت، چارەسەری تیشکی پێشنیار دەکرێت. لەم شێوازەدا پێست بەر تیشکی کۆنترۆڵکراوی تایبەت دەکەوێت بۆ کەمکردنەوەی هەوکردن و نیشانەکانی نەخۆشییەکە. بەڵام کەڵوەرگرتن لەم شێوازە بە هۆی بەکارهێنانی کەرەستەی پێویست لە هەموو کلینیکێک یان نەخۆشخانەیەکدا ئەنجام نادرێت.
دەرمانی خۆراکی و چارەسەری نوێ
ئەگەر ئەگزیما توند بێت یان بە چارەسەری سادە کۆنترۆڵ نەکرێت، ئەوا هەندێک دەرمانی خۆراکی وەک سیکلۆسپۆرین، میتۆترێکساتیش تەواو کاریگەرن.
ئایا ئەگزیما مەترسیدارە و درمییە؟
لە زۆربەی حاڵەتەکاندا ئەگزیما مەترسیدار نییە، بەڵام دەبێتە هۆی خوراندن و هەوکردنی زۆر و کاریگەری لەسەر ژیانی کەسەکە دەبێت. هەروەها ڕەنگە خراپبوونی بەردەوامی پێست ببێتە هۆی برین و ڕێگە بۆ هەوکردن خۆش، بکاتەوە.
خۆشبەختانە ئەگزیما بە هیچ شێوەیەک نەخۆشییەکی درمی نییە و لە کەسێکەوە بۆ کەسێکی تر ناگوازرێتەوە. واتە بەرکەوتنی پێست یان تەوقەکردن لەگەڵ کەسێکی تووشبوو نابێتە هۆی گواستنەوەی ئەگزیما. بۆیە کەسی تووشبوو دەتوانێت لەگەڵ کەسانی تردا بژی بەبێ ئەوەی خەمی گواستنەوەی نەخۆشییەکەی هەبێت.
کێ زیاتر تووشی ئەگزیما دەبێت؟
ئەگزیما دەتوانێ لە هەر تەمەنێکدا دروست دەبێت، بەڵام هەندێک کەس ئەگەری تووشبوونیان زیاترە. ئەو کەسانەی کە پێشینەی خێزانی تووشبوون بە ئەگزیما یان هەستیارییان هەیە، پێستیان وشک و هەستیارە، یان زۆر بەر پاککەرەوە و ماددە وروژێنەرەکان دەکەون، زیاتر تووشی ئەگزیما دەبن. هەروەها منداڵان زیاتر تووشی هەندێک جۆری ئەگزیما دەبن بە بەراورد بە گەورەکان.
خۆپاراستن لە ئەگزیما بە لەبەرچاوگرتنی چەن خاڵێکی سادە
هەرچەندە هەمیشە ناکرگێت ڕێگری لە ئەگزیما بکرێت، بەڵام بە چەند ڕێکارێکی سادەی خۆپارێزی دەتوانیت مەترسی تووشبوونت کەم بکەیتەوە. گرنگترین شت ئەوەیە کە نەهێڵیت پێستت وشک بێتەوە و بە بەردەوامی شێدارکەرەوە بەکاربهێنیت. هەروەها باشتر وایە تا دەتوانیت خۆت بەدوور بگرێت لە پاککەرەوەی توند و ماددە کیمیاییەکان کە پێست دەوروژێنن.
هەندێ کاری تر کە پێویستە لێی دوور بکەویتەوە بریتین لە خۆشۆردن بە ئاوی زۆر گەرم، بوون لە کەشوهەوای زۆر وشکدا و بەتایبەت ئارەقکردنی زۆرە. هەروەها باشتر وایە دوای شۆردن پێست بە نەرمی وشک بکرێتەوە و دەستبەجێ شێدارکەرەوەی پێ بدرێت.
بەگشتی ئەگەر بینیت هەر شتێک ئەگزیماکەت توندتر دەکات، تا دەتوانیت خۆتی لێی بەدوور بگرە. بە لەبەرچاوگرتنی ئەم چەن خاڵە سادەیە دەتوانن تا ڕادەیەکی زۆر ئەم نەخۆشییە کۆنتڕۆڵ بکەن.
No Comment! Be the first one.